ھەلگرا سێ ناسناڤان نەشیا سەرکەفتنێ توماربکەت و زاخۆ ب سەرکەفت
ئەڤرۆ نیوز، ھەژار مەعروف:
تیما تەپا پێ یا زێرەڤانی ھەلگرا ھەر سێ ناسناڤێن وەرزێ بوری دخۆلا پلا نایاب یا کوردستانێ دا د یاریا خوە یا ئێکێ ژ خۆلا پلا نایاب کوردستانێ نە شیا سەرکەفتنێ توماربکەت دەمێ ژ دەرڤەی یاریگەھا خوە وەکھەڤ بووی ب گولەکێ ل گەل یانا ئارارات.
تیما زێرەڤانی د نیڤا ئێکێ دا پێشکەڤت بۆ ب گولا یاریکەرێ خوە کارساز محەمەد و ل نیڤا دوێ دا یاریکەرێ یانا ئارارات محەمەد عەدنان گولا وەکھەڤیێ بۆ تیما خوە تومارکر.
ژلایەکێ دیڤە تیما زاخۆ شیا سەرکەفتنەکا گرنگ ل سەر یانا کەرکوک توماربکەت ب دو گولان بێ بەرامبەر ھەردو گولێن زاخۆ ژلایێ یاریکەران ئەمیرخان و عەبدورزاق حەیدر ھاتنە تومارکرن و تیما ھندرین وەکھەڤ بوو ل گەل شێروانە ل یاریگەھا کەلار ب گولەکێ.
بریارە سوباھی بەردەوامی ب یاریێن خولێ بھێنەکرن دھۆک دێ بیتە مێڤانا سولاڤ و گارە ل یاریگەھا برایەتی دێ ھەمبەری برایەتی کەت و پێشمەرگا ھەولێرێ دێ ل گەل نەوروز
کەت.