ھەولێرێ زەنگا مەترسی بۆ زێرەڤانی یێ لێدا
ئەڤرۆ نیوز:
چاڤەرێ دھێتەکرن سوباھی ل یاریگەھا ھەولێرێ یا ئێکێ یاریا گوپیتکا ڤێ حەفتیێ ژ خۆلا فاست لینکا کوردستانێ یا پلا نایاب بھێتەکرن دناڤبەرا ھەردو یانێن ھەولێرێ و تیما زێرەڤانی ھەلگرا ھەر سێ ناسناڤێن وەرزێ بوری .
بۆ ڤێ یاریێ تیما ھەولێرێ بەرھەڤیەکا باش کری یە ھژمارا یاریکەرێن تیما خۆلا عیراقێ ل تیما کوردستانێ زێدەکری نە بۆ ڤێ یاریێ سێ ناڤێن دی ژی زێدەکرن کو بەری نوکە دەھـ یاریکەر زێدەکربوون، ئەو یاریکەرێن ھاتینە زێدەکرن زوربەیا ئەوان د پێکھاتیێ سەرەکی یێ تیما خۆلا عیراقێ دا نە و شارازیەکا باش ھەیە .
پێکھاتیێ چاڤەرێکری یێ تیما ھەولێرێ بۆ ڤێ یاریێ گولچیێ تیمێ رێباز محەمەد و ھێلا بەرەڤانیێ ھەردی سیماند، ئیفان خالد، محەمەد خالد، دیار رەحمان ل ھێلا ناڤین میران خسرو، میلاد زەنیدپور پیشەکارێ ئیرانی و بارزان شێرزاد و کوسرەت باییز ل ھێلا ھێرشبەریێ فەرحان شەکور و باسل موستەفا پیشەکارێ سوری.