ھەولێر ئەڤرۆ چاڤ ل سەرکەفتنا حەفتێ یە
ئەڤرۆ نیوز:
چاڤەرێ دھێـتەکرن ئەڤرۆ نوونەرا ھەرێما کوردستانێ یانا ھەولێر یاریا خوە یا گەرا ١٧ ژ خۆلا پلا نایاب یا عیراقێ ل باژێرێ بەسرا یێ باشورێ عیراقێ ل گەل یانا بەحری یا بەسراوی بکەت کو دڤێ یاریێ دا کورێن ھەولێرێ چاڤ ل سەرکەفتنا سیێ و دوێ ل دیڤ ئێکن ل دەرڤەی یاریگەھا خوە پشتی ل حەفتیا شیاین سەرکەفتنەکا گرنگ ل سەر تیما خودانا رێزا دوێ یانا کەرخ ل باژێرێ بەغدا تومارکری ب گولەکێ بێ بەرامبەر.
راھێنەرێ یانا ھەولێر بوو ڤێ یاریێ د ب شێوەیەکێ دی یاری کەت ل دیڤ پێزانین ل ناڤا ھەولێرێ راھێنەرێ وێ تیمێ بوو ڤێ یاریێ دێ پشت بەستنێ ل سەر ھەردو ھێرشبەرێن خوە یێن بەرازیلی مارسێل و تیاگو کەت کو دبیتە جارا ئێکێ ھەردو یاریزان دێ پێکڤە وەکو یاریزانێن سەرەکی یاری کەن.
ھەژی گوتنێ یە یانا ھەولێر ل وەرزێ ئەڤ سالە ١٦ یاری ئەنجامداینە و شیا شەش سەرکەفتنا ل گەل شەش خوسارەتیا و ٤ وەکھەڤیا تومارکرینە و ل رێزا ٩ دھێت ب ٢٢ خالان و یانا بەحری ل رێزا ١٧ دھێت ب ١٢ خالان.
