ھەولێر ھەڤبەستا یاریکەرەکێ شورتە ئیمزا کر
ئەڤرۆ نیوز، زنار زوبێر:
کارگێریا یانا ھەولێر ب فەرمی ھەڤبەست ل گەل یاریکەرەکێ یانا شورتە ئەحمەد عەبدول ئەمیر ئیمزا کر بۆ قوناغا دویێ یا خولا عیراقێ بەرامبەر مووچەکێ ھەیڤانە.
د ڤی چارچوڤەی دا رێبین رەمزی بەرپرسێ راگەھاندنا یانا ھەولێر د داخویانیەکێ دا بۆ سایتێ ئەڤرۆ نیوز ئاشکرا کر پشتی چەندین دانوستاندنێن درێژ ئەو شیان ھەڤبەستێ ل گەل یاریکەرێ یانا شورتە ئەحمەد عەبدول ئەمیر ئیمزا بکەن بۆ قوناغادویێ یا خولا عیراقێ یا تەپا پێ بۆ یانێن نایاب بەرامبەر مووچەکێ ھەیڤانە کو د گەھیتە دو ملیۆن و نیڤ دینارێن عیراقێ ل گەل جھێ ڤەحواندنا وی و ئەڤ یاریکەرە یاریێ ل ھێلا ناڤین دکەت و یانا ھەولێر ژی کێماسی د ڤێ ھێلا دا ھەنە و ل دووڤ داخوازا راھێنەرێ تیمێ ھەڤبەست ل گەل ئیمزا کریە.
دھێتە زانین یاریکەرێ ناڤبری بەری نوکە یاری بۆ یانا دھۆک ژی کریە.
