ھەڤرکیەکا دژوار دێ د رۆژا سیێ یا یاریێن یورو دا ھەبیت بۆ پتر پێزانینان ل سەر ھەلبژارتیا دڤێ راپورتێ دا بینن
ئەڤرۆ،ھەژار :
چاڤەرێ دھێتەکرن ئەڤرۆ سێ یاری ژ قارەمانیا یورۆ یا ٢٠١٦ بھێنەکرن ئەوا نوکە ھەڤرکیێن وێ ل وەلاتێ فەرەنسا دھێنەکرن د یاریا ئێکێ دا ل دەمژمێر چار دیڤ دەمێ کوردستانێ ھەلبژارتیێ تورکیا دێ ل گەل ھەلبژارتیێ کرواتیا کەت و ویلیز ل گەل سلوڤینیا و ئینگلتەرا ل گەل روسی د یاریا سیێ دا.
تورکیا و کرواتیا
یاریا ئێکێ ژ رۆژا سیێ دناڤبەرا تورکیا و کرواتیا کو ئەڤ یاری یە دێ ئێک ژ یاریێن ب ھێز بیت دناڤبەرا ھەردو ھەلبژارتیا ژبەرکو ھەردو ھەلبژارتی خودانێن چەندین یاریزانێن بەرنیاس ل سەر ئاستێ یانێن ئورۆپی و ھەردیسان ھەردو ھەلبژارتیا پێنج پشکداری د قارەمانیا یورو دا ھەنە و شەش جاران ھەمبەری ئێک بووینە دو سەرکەفتن بۆ کرواتیا ل گەل سەرکەفتنەکێ بۆ تورکیا بەرامبەر سێ وەکھەڤیا ئانکو دێ ھەڤرکی دناڤبەرا ھەردوکان دا گەلەک یا ب ھێز بیت، ھەلبژارتیێ تورکیا ژ سەرجەمێ ٢٣ یاریزانێن ل گەل پێکھاتیێ وێ شەش یاریزان دخولا تورکیا دا یاریێ ناکەن ئەوژی سێ دخولا بوندس لیگا دا یاریێ کەن و ئێک ل ئیسپانیا ل یانا بەرشەلۆنا کابتنێ وێ ئاردا توران و ئێک ل ئیتالیا یێ دێ دانیمارک بەرامبەر ١٧ یاریزان دخولا تورکیا دا کەن ١٣ ژ ھەرسێ یانێن بەرنیاس فەنەربخجە و گەلاتەسەرای و بەشکتاش ، بەرامبەر ھەلبژارتیێ کرواتیا ژ سەرجەمێ ٢٣ یاریزانان ١٧ یاریزان پیشەکارن و شەش دخولا کرواتیا دا کەن کو دو ژ ئەوان گولچیێن یەدەگن و ھەردیسان چار یاریزان ژ یانا دینامو زگرب کو ئێک ژ یانێن بەرنیاس و قارەمانا خولێ یە و د قارەمانیا ئورۆپا دا یا پشکدارە و بەرنیاسترین یاریزانێن وێ لوکا مودریتچ و ماتیو کوڤاڤیچ ریال مەدرید ئیڤان راکاتیچ ژ بەرشەلۆنا ماریو ماندوکیچ ژ یوڤانتوس نیکولا کانیلیچ میلان بادیلچ ژ ڤورینتینا و ئیڤان سترینیچ ژ ناپولی و گولچیێ یانا موناکو دانیێل سوپاتیج لێ سەرارای ئەڤان ھەمی ستێران ھەلبژارتیێ کرواتیا مەترسیەک ل دەڤ ھەیە بۆ یاریا بەرامبەر تورکیا تایبەت ژ وی خوسارەتیا سالا ٢٠٠٨ ل گەل تورکیا دوبارەبیت خوسارەت بن کو ھەر چەندە وەکو ناڤ شیانێن یاریزان ھەلبژارتیێ کرواتیا بەرنیاسترە لێ تورک بەرنیاسن یاریا توند و ب ئێک گیانی بۆ وەلاتێ خوە ئەڤە دبیتە مەترسیەک ل گەل ھەر ھەلبژارتیەکێ بەرامبەر تورکیا یاریێ بکەن.
ئیرلەندا باکور و پولەندا
ھەلبژارتیێ ئیرلەندا باکور بۆ جارا ئێکێ یە دەربازی یاریێن قارەمانیا یورۆ بیت ئەڤی ھەلبژارتی پشت بەستن ل سەر ھەمی یاریزانێن خوە یێن پیشەکار کری یە کو ژ سەرجەمێ ٢٣ یاریزانێن وێ ھەمی یاریزان پیشەکارن کو ١٨ یاریزان دخولا پلا نایاب و پلا ئێک یا ئینگلتەرا دا کەن کو بتنێ چار یاریزان نەبن دخولا پلا دو دا یاریێ کەن و چار دخولا ئوسکولەندا و ئێک نیویزلەندا کەت بەرامبەر ھەلبژارتیێ پولەندا بۆ جارا سیێ پشکداریێ کەت ئەڤ جارە ب سەرکێشیا ستێرا خوە و گولکەرێ خولا ئەلمانیا لیڤاندوڤسکی دخوازیت ئەنجامێن سەرکەفتی و ب گەھیتە یاریێن قوناغا دووماھیێ کو راھێنەرێ پولەندا پشت بەستن ل سەر ١٤ یاریزانێن پیشەکار کری یە ئەوژی بەرنیاسترین یاریزانێ وێ لیڤاندوڤسکی ژ بایرن میونیخ لوکاس بیسزیک ژ بروسیا دورتموند، ھەردو ھەلبژارتی چار جاران ھەمبەری ئێک کری نە دو جاران پولەندا شیا سەرکەفتنێ توماربکەت بەرامبەر وەکھەڤیەکی و سەرکەفتنەکێ بۆ ئیرلەندا باکور.
ئەلمانیا و ئوکرانیا
ھەلبژارتیێ ئەلمانیا ئەوا دھێتە ھژمارتن خودانا مەزنترین پشکداری د قارەمانیا یورۆ دا کو ١٢ جاران پشکداری کری یە ئەڤرۆ ب شەڤ ل دەمژمێر ١٠:٠٠ دێ ھەمبەری ھەلبژارتیێ ئوکرانیا کەت ئەوا بتنێ دو جاران پشکداری کری راھێنەرێ ھەلبژارتیێ ئەلمانیا پشت بەستن ل سەر ٢٣ یاریزانان کری یە و ئەوژی زوربەیا ئەوان ل یانێن مەزن ل ئورۆپا و خولا ئەلمانیا کەن کو شەش ژ ئەوان ل بایرن میونیخ کەن بەرامبەر راھێنەرێ ئوکرانیا زوربەیا یاریزانێن وی ژی دخولا ئوکرانیا دا یاریێ کەن کو ١٨ یاریزان .
ھەلبژارتیێ ئەلمانیا ئەوا سێ جاران ب ناسناڤێ ڤێ قارەمانیێ ھاتیە خەلاتکرن ژ ئەوان ھەلبژارتیا یە ھەردەم ب چاڤێ ھەڤرکیێ پشکداریێ کەت ھەر چەندە بەری قارەمانیێ ب چەند رۆژان د دربێن مەزن ب ھەلبژارتیێ ئەلمانیا کەڤتن ل ھێلا بەرەڤانیێ و ناڤین پشتی د کەمپا وێ یا راھێنانی دا دو یاریزانێن وێ سەرەکی توشی ھنگافتنێ بووین لێ راھێنەرێ وێ یێ گەشبینە ب یاریزانێن پێگوھور ئەوێن داخوازکرین دێ شێن ھەڤرکیێ کەن، پێکھاتیێ چاڤەرێکری یێ ھەلبژارتیێ ئەلمانیا د یاریا ئەڤ شەڤە و کو د ڤێ قوناغێ دا دێ پشت بەستن ل سەر ئەوی پێکھاتی ھێتەکرن ژلایێ راھێنەرێ ھەلبژارتیێ ئەلمانیا گولچیی نوێر و ھێلا بەرەڤانیێ بواتینگ و لایێ راستێ بێندیکت ھوفیدس و لایێ چەپێ چوناس ھیکتور و ل ھێلا ناڤین یا بەرەڤانیێ سامی خزێرە و تونی کروس و ل ھێلا ناڤین بۆ ھێرشبەریێ لایێ راستێ مولەر و لایێ چەپێ گوتزە و ئوزێل دارکسلر ھێلا ناڤین و ھێرشبەرێ سەرەکی ماریو گومێز، ھەردوھەلبژارتیا ئێک یاری ل گەل ئێک کرین ئەوژی ل سالا ٢٠١١ بوو ھەردو ھەلبژارتی ب سێ گولان وەکھەڤبوون.
