ھەکە ئەنجامێ خوسارەتیا وێ نە ھەلوەشینن دێ سکالایەکێ ل دادگەھا نیڤدەولی تومارکەت
ئەڤرۆ نیوز:
یانا شورتە یا عیراقی پشتی د یاریا خوە یا رۆژا ئێک شەمبیا بوری توشی خوسارەتیێ بووی ل سەر دەستێ یانا نەجەف ب سێ گولان بەرامبەر دو گولان د چارچوڤێ یاریێن خولا عیراقێ دا و پشتی یاری ب دووماھی ھاتی دەستەیا کارگێریا یانا شورتە نەرازیبوونەک و سکالایەک ل سەر وێ یاریێ ودژی یانا نەجەف و جەماوەرێ وێ تومارکری یە .
کارگێریا یانا شورتە ئەو د وێ نەرازیبوونێ دا دیارکری یە ھەکە ئەنجامێ یاریا ئەوان نە ھێتە ھەلوەشاندن ئەو دێ ڤێ سکالایێ ل دادگەھا ئێکەتیا تەپا پێ یا نیڤدەولی تومارکەن ژبەرکو ئەوا ل یاریگەھا نەجەف رویدای ب ھیچ رەنگەکی د یاسایا تەپا پێ دا نینە کو جەماوەرێ یانا نەجەف ھاتبوونە دناڤا یاریگەھێ و کارتێکرن ل سەر ئەنجامێ یاریێ ھەبوو .
ھەژی گوتنێ یە پشتی گولا سێ جەماوەرێ یانا نەجەف ب رێژەیەکا مەزن ھاتبوونە دناڤا یاریگەھێ دا ببو جھێ راوستاندنا یاریێ بوو چەند خولەکا.
