ھەکە شوو بکەم دێ وینێن من بەلاڤ کەت
ئه‌ڤرۆ:
کچەکا 28 سالی ب رێیا تێلەفونێ دلێ خوە بو رۆژنامەیا ئەڤرۆ ڤەدکەت و دبێژیت: ئەز قوتابیمە ل قوناغا دوازدێ دخوینم ئەڤە شەش سالە ئەز و کەسەک حەز ژ ئێکدو دکەین ئەو 28 سالە بیانی یە و خودان مارکێت و کومپانیە بۆ زانین یێ ب ژنە سێ زارۆ ژی ھەنە، لێ سالەکێ بەری ژنێ بینیت مە حەز ژ ئێکدو دکر پشتی ھینگێ من نەزانی کو ژن یا ئینای ھەتا کو خوشکێت وی دگەل من ئاخفتین و گوت ب زوری ئەو ژنە بو وی ئینایە دیسا چەندین جارا وی ڤیایە بھێت من بخوازیت بەس دایکا من رێکێ نادەت و یا رازی نینە دبێژیت ھەم تو یا بچویکی و ھەم ژی ئەو یێ خودان ژنە لەورا مالا مە و یا وان ھەموو ڤی تشتی دزانن بەس وەسا ھزر دکەن کو مە ئێکدو یا ھێلای و ھەڤژینا وی ژی جارەکێ دگەل من ئاخفت و گوت بھێلە ئەڤە ھەموو یاریکرنە و درەوا دگەل تە دکەت لێ ئاریشە ئەوە نھا ھەڤالەکا من یا گەلەک نێزیک خیانەت لمن کریە و بێ بەختی یێن بدووڤ من ڤەناین و بەحسێ من بو وی کریە و ئەو ژی ئێدی تێلەفونێن من ناکەت، نە من دھێلیت و نە ژی رێکێ ددەت ئەز شوی ب کەسێ بکەم و گەفا لمن دکەت و دبێژیت تو شوی ب کێ بکەی دێ ھەموو تشتێن تە بێژمێ و دێ بێژمێ حەز ژ من دکر و دگەل من دئاخفت و جارەکێ لگەل من دەرکەتیە و یا ژ ھەمویێ نەخوشتر وێنێن من ژی لنک وی ھەنە و دبێژیت ھەکە تو شوی بکەی دێ بەلاڤ کەم ھەکە ئەو گەفا لمن نەکەت ئەز دێ وی ھێلم ژبەرکو ژلایەکێ ڤە نە بدلێ مالا مەیە و نە ژی یا وان و ژلایەکێ دیتر ڤە من دژیەکێ نەگەھشتی دا و حەز ژێ کریە و ب بێ ئاقلی وێنێن خوە داینەڤێ لەوا نوکە ئەو ڤێ بسەرێ من دئینیت نزا چ بکەم ئەز ژ گەفێت وی دترسم و ھزرا خوە کوشتنێ دھێتە دسەرێ مندا ھیڤیدارم چارەیەکێ ھوین چ دبێژن؟
کەچا ھێژا:
بو تە و بو ھەموو کچێن مە دڤێت د ئاگەھدار بن دا نەھێنە خاپاندن ژلایێ کەسێن پەروەردەکا ھوسا وەرگرتی ئەوێن دڤێت حەزێن خوە تێربکەن لسەر نوخۆشیێن کەسێن دی و باشترە ئەو کەس ھزر بکەن کو ئەوی ژی خێزان یا ھەی و ھەروەسا زاروکێن وی دێ مەزن بن و بلا ژبیر بکەت ھەر کەسێ دەرگەھەکی بقوتیت دەرگەھێ وی ژی دێ ھێتە قوتان ئەڤجا دڤێت ئەو کەس یێ بەرپسیار بیت ژ رەفتارێن شاش یێن کو دگەل تە بکار دئینیت تو خوە شاش نەکە دەمی دبێژیت کو ژن یا لسەر ھاتیە فەرز کرن و کارەکێ دیارە ڤەشارتن و نەگوتن و ئەڤە نەراستی یا وی دگەھینیت و پێدانا وێنا و ترسناکیا ب لاوازیا تە دبینیت لەوما دبیتە پالدەر بو وی کو یێ بەردەوام بیت لسەر وێ رەفتاری ئەڤجا یا وێرەک بە و بابەتی بدوماھی بینە و داخوازا زڤراندن یان ژێبرنا ھەموو وێنێن خوە ژێ بکە و ناما خوە بگەھینێ کو ئەگەر خوە دروست نەکەت رێکێن فەرمی دگەل بکاربینە و پەیوەندیێ ب رێڤەبەریا نه‌هێلانا توندو تیژیێ بکە و ئەز باوەرم بابەت دێ بدوماھی ھێت ئەڤجا دوبارە دئاگەھدار بن د پەیوەندیێن خوە دا و د ھەستیار بن چ جارا وێنا نەدە کەسێ و ھەر وەسا ھەردەم بلا ئەڤینیا پاقژ بیت و مەرەم پێکئینانا خێزانێ بیت و بلا ھین دوێرەک بن و خوە ب ھێز بێخن .
