ھەیڤەکە نەشتەرگەری ل نەخوشخانا شێخان یا گشتی نەھاتینە کرن
ئەڤرۆ نیوز، بارزان مزووری:
پشکا نەشتەرگەریا ل نەخوشخانا شێخان یا گشتی ئەڤە ماوێ ٣٠ رۆژە نەشتەرگەری لێ ھاتینە راوەستاندن ژبەر کارکەفتنا ئامیرەکێ نەشتەرگەریا ژلایێ رێکخراوەکێ ڤە ھات بو دابین کرن رێڤەبەریا ساخلەمیا مووسل ژی دوبارە دروست کرنا وی ئامیرەی ب ستویێ رێکخراوێ ڤە گرتیە .
تاھا محمود،بەرپرپرسێ پشکا نەشتەرگەریا ل نەخوشخانا شێخان یا گشتی بۆ ئەڤرۆ نیوز دیارکر کو ئەڤە ھەیڤەک بوری ل سەر ژ کارکەفتنا ئامیرێ”تعقیم” یێ ئەنجام دانا نەشتەرگەرییێن مەزن ب نڤیسارێن فەرمی داخاز ژ رێڤەبەریا گشتی یا ساخلەمیا مووسل کریە کو ئەڤ ئامیرە ژ کارکەفتیە و بھێت دروست کرن دوبارە وان د بەرسڤا نڤیسارا مەدا گوتیە مە چ پەیوەندی ب وی ئامیرەی نینە ژلایێ رێکخراوەکێ ڤە ھاتیە دابین کرن.
ناڤھاتی دیارکر بەری حەفتیەکێ ئەندازیارەکێ شەھرەزا ل مووسل ھات گوتبو وەک کەسەکێ خوبەخش دێ ڤی ئامیرەی دوبارە دروست کەم ئەوژی چویە ھەتا نوکە نەزڤریە .
ناڤھاتی خویاکر کو ئەو ئامیرە ژلایێ رێکخراوا “ئێل دی ئێس ” ڤە ھات بو دابین کرن ژبەر ھاتنا رێژا مەزن یا ئاواران بو قەزا شێخان ئەو رێکخراوژی نھا ل کوردستانێ دەرکەفتیە پەیوەندی دگەل وان ھاتیە برین.
