یاریزانه‌كێ زاخۆ دێ هه‌ڤبه‌ستا یانه‌كا كه‌نداڤى ئیمزا كه‌ت
ئه‌ڤرۆ نیوز:
پشتى ل ماوێ بورى خۆلا عیراقێ هاتیه راوستاندن هژماره‌كا یاریزانێن پیشه‌كار و نافخوى هزر ل ب جه هێلانا وێ خولێ كریه و ژێده‌ره‌كێ نێزیكى یانا زاخۆ دیاركریه پیشه‌كارێ وێ یێ موریتانى ئه‌لسان دیوب نێزیكى ئیمزاكرنا هه‌ڤبه‌ستا ئێك ژ یانێن كه‌نداڤى بوویه.
زێده‌تر ئه‌وى ژێده‌رى دیاركریه یاریزانێ هه‌لبژارتیێ موریتانیا و یانا زاخۆ ئه‌سان دیوب نێزیكى ئیمزاكرنا هه‌ڤبه‌ستا یانا عروبه یا عومانى بوویه پشتى وى یاریزانى ل ماوێ بورى داخوازى ژ به‌رپرسێن یانا زاخۆ كرى هه‌ڤبه‌ستا ئه‌وى ب رێككه‌فتنا هه‌ردو لایانه بهێته هه‌لوه‌شاندن و هه‌تا راده‌یه‌كێ مه‌زن كارگێریا یانا زاخۆ ژى ل سه‌ر وێ چه‌ندێ رازیبوویه.
هه‌ژى گوتنێ یه دیوب ل ده‌ستپێكا وه‌رزێ ئه‌ڤ ساله په‌یوه‌ندى ب یانا زاخۆ كربوو كو پشتى ژ یانا شیمال یا قه‌ته‌رى هاتیه ڤه‌گوهاستن كو به‌رى نوكه یارى ل یانا هه‌جر یا سعودى ژى كربوو .
