یاریزانێن پیشەکار دخولا عیراقێ ھاتنە کێمکرن و ژڤانێ خولێ ژی ھاتە دەست نیشانکرن
ئەڤرۆ نيوز:
ئێکەتیا تەپا پێ یا عیراقی د کومبوونا خوە یا دووماھیێ دا چەندین بریار دەرخستن ل سەر شێوازێ کرنا خولا عیراقێ یا تەپا پێ بۆ وەرزێ بھێت و ھەردیسان ژڤانێ دەستپێکرنا یاریێن خولێ .
چێگرێ سەروک ئێکەتیا تەپا پێ ل عیراقێ عەلی جەبار دیارکر بریارە خولا عیراقێ یا وەرزێ بھێت یێ ٢٠١٦-٢٠١٧ ب پشکداریا ٢٠ یانا بھێتەکرن ب شێوەیێ خول و یاریێن خولێ بریارە ل ٢٥-٨-٢٠١٦ بھێنەکرن و بەری دەستپێکرنا خولێ بریارە یاریا قارەمانیا کاسا سوپر یا عیراقێ بھێتەکرن دناڤبەرا ھەردو یانێن جەویە و زەورا کو ھەلگرا کاس و خولا عیراقێ یە و یاریێن قارەمانیا کاسا عیراقێ ل ٢/٣-٩-٢٠١٦ بھێنەکرن کو قوناغا ئێکێ یانێن خولا پلا ئێک د ڤاڤارتنا کەن.
ناڤبری سەبارەت ھەڤبەستێن یاریزانان دیارکر ل چەندین وەرزێن بوری چەندین ئاریشە پەیدابووینە دناڤبەرا یانا و یاریزانێن وێ دا لەورا ئێکەتیا ناڤین عیراقێ بریار دایە ھەر یاریزانەکێ نافخوی یان پیشەکار ھەڤبەستێ ئیمزابکەت پێدڤی یە ل دادگەھا وی باژێری بھێتە پەسەندکرن و مایتکرنێ د پەسەندکرنا چو یاریزانان دا ناکەن.
ل دووماھیێ ناڤبری دیارکر ھژمارا یاریزانێن پیشەکار د خولا عیراقێ دا ژ چار یاریزانان بوونە دو یاریزان و ھەر یانەکێ ماڤ ھەیە ھەڤبەستێ ل گەل سێ یاریزان ئیمزابکەت لێ بتنێ دو یاریزان ماڤ ھەیە یاریێ بکەن.
