یاریزانێ ئێکێ یە د مێژویا ئەرسینال دا
ئەڤرۆ نیوز:
ستێرا گابونی و یانا ئەرسینال یا ئنگلیزی ئوبامیانگ جارەکا دی سەرێ لیستەیا گولکەرێن خۆلا ئنگلتەرا ڤەگەراندە ڤە پشتی د یاریا ئەڤرۆ دا شیای دو گولان توماربکەت و ھژمارا گولێن خوە ب گەھینتە ١٢ گولان .
مالپەرێ ئوپتا یێ تایبەت ب ئامارێن وەرزشی ڤە دیارکر ئوبامیانگ خودانێ باشترین دەستپێک ھەیە د ٣١ یاریێن دەستپێکێ دا کو دبیتە یاریزانێ ئێکێ د مێژویا ڤێ یانێ دا ل ٣١ یاریێن دەستپێکێ ل گەل وێ یانا لەندەنی شیابیت ٢٢ گولان توماربکەت و پێشکەڤت ل سەر ستێرا بەرێ یا یانا ئەرسینال و یێ فرەنسی تێری ھنری ب پێنچ گولان کو یاریزانێ ناڤبری ل ١٧ گول ل ٣١ یاریێن خوە یێن دەستپێکێ ل گەل ئەرسینال تومارکر بوون.
ھەژی گوتنێ یە یانا ئەرسینال د یاریا خوە یا گەرا ١٨ دا ژ خۆلا ئنگلتەرا دا شیابوو سەرکەفتنێ ل سەر یانا بیرنلی توماربکەت ب سێ گولان بەرامبەر گولەکێ.