یاریزانەکێ خەلکێ زاخۆ ھەڤبەستا یانەکا سویدی ئیمزاکر
ئەڤرۆ نیوز، ھەژار مەعروف:
یاریزانێ ھەلبژارتیێ ئولومپی عیراقێ و یانا نورشبینگ یا سویدی مەروان بازی ب فەرمی ھەڤبەستا یانا نوربی یا سویدی بوو ماوێ دو سالان ئیمزاکر .
مەروان بازی کو کلدانیێ خەلکێ زاخۆ یە د داخویانیەکێ دا بوو ئەڤرۆ نیوز دیارکر ل ماوێ بوری چەندین ھەڤبەست بەر دەستێ وی کەڤت بوون ژ ئەوانا ئێک ژ یانێن پلا نایاب لێ ئەوی ھەڤبەستا یانا نوربی باشتر دیت و ئەو دبینت نوکە کرنا یاری ل خولا پلا ئێک دێ دەلیڤەیا ئەوی پتر ھەبیت ژبەرکو ل وەرزێ بوری ئەو ل گەل ئێک ژ مەزنترین یانێن سویدی یاری کر لێ دەلیڤەیا کرنا یاری بوو ئەوی گەلەک یا کێم بوو.
سەبارەت ھەڤبەستێن نافخوی یێن یانێن عیراقی ناڤبری دیارکر پشتی ل ماوێ بوری ئەوی پەیوەندی ب ھەلبژارتیێ ئولومپی عیراقێ کری گەلەک داخوازی کەڤتنە بەر دەستێ وی و چەندین یانێن بەغدا پەیوەندی ب وی کر بوو کرنا یاریێ لێ ئەو دبینت ل ڤی دەمی ئەو بەردەوامی ب دەتە کاروانێ خوە یێ وەرزشی ل ئورۆپا باشترە ژبەرکو ھێشتا ئەو گەنچە و کرنا یاری نوکە ل ئورۆپا ئەو گەلەک باشتر دبینت
