یاریزانەکێ زاخۆ: ئەگەرێن چوونا خوە ژ یانا زاخۆ ئاشکراکرن
ئەڤرۆ، قەیس وەیس:
یاریزانێ ھێلا ناڤینا زاخۆ و یاریزانێ کورد ھوزان ئیسماعیل ب فەرمی ھەڤبەستا یانا ئەمانە بەغدا ئیمزاکر بۆ یاریێن بھێت دخولا عیراقێ یا تەپا پێ دا پشتی ل ماوێ بوری دەست بەردانا خوە ژ یانا زاخۆ وەرگرتی پشتی چەندین بزاڤا شیا یانێ رازیبکەت بۆ دەستبەردانا وی بدەنێ بەرامبەر وی کوژمێ پارەی ئەوێ ل یانا زاخۆ وەرگرتی جارەکا دی بۆ یانێ ڤەگەرینت.
ھوزان ئیسماعیل ئەوێ ل دەستپێکا ڤی وەرزی ھەڤبەستا یانا زاخۆ ئیمزاکری و پشکەک ژ ھەڤبەستا خوە ل گەل یانا زاخۆ وەرگرتی و پشکداری د دەە یاریێن تیمێ دا کری وەکو یاریزانەکێ سەرەکی ل دور چوونا خوە یاریزانێ ناڤبری بۆ رۆژناما ئەڤرۆ دیارکر پشتی دەرگەھێ ڤەگوھاستنا یاریزانان ھاتیە ڤەکرن چەندین یانێن باشورێ عیراقێ و باژێرێ بەغدا پەیوەندی ب ئەوی کرن لێ ئەوی ل دووماھیێ بریار دا ھەڤبەستا بەغدا ئیمزابکەت ژبەرکو ل ڤێ یانێ ئەوی دیت دێ پتر یێ ئارام بیت .
زێدەتر ناڤبری دیارکر ئەوی چو ئاریشە ل گەل کەسێ نەبوون ل یانا زاخۆ کارگێریا یانێ تایبەت سەروکێ یانا زاخۆ گەلەک ھاریکاربوون ل گەل وی و ھەردیسان پشتەڤانێن یانێ بەردەوام پشتەڤانیا ئەوی کر لێ تەپا پێ پیشەکاری یە و ئەو دخوازت یاری ل یانەکا بەغدا بکەت داکو دەلیڤەیا خوە جارەکا دی بینت ڤەگەریتە رێزێن پێکھاتیێن ھەلبژارتیێن عیراقێ کو بەری نوکە ژی پشکداری ل گەل ھەلبژارتیێن عیراقێ کریە و ئەو سوپاسیا سەروکێ یانا زاخۆ کەت بۆ ھاریکاریا ئەوی ل گەل وی ل ماوێ کرنا یاریێ ل یانا زاخۆ .
ھەژی گوتنێ یە ھوزان ئازاد یێ بەرنیاس ب ھوزان ئیسماعیل بەری نوکە یاری ل چەندین یانێن کوردستانێ کریە دخولا عیراقێ دا ئەوژی یانێن سلێمانی و پیرس،زاخۆ و ھەولێر ھەردیسان یاری ل یانا نەفت وەست ژی کریە و دخولا کوردستانێ دا بۆ یانا زێرەڤانی کریە ھەردیسان یاری ل ھەردو ھەلبژارتیێن ئولومپی و لاوێن عیراقێ کریە.
