یاریزانەکێ لیڤەرپول: شانازی ب دینێ ئیسلامێ دبەم بزانە کیژ یاریزانە
ئەڤرۆ، ھەژار مەعروف :
یاریزانێ یانا ساوتھامتون یێ بەری نوکە ئەوێ ل ھاڤینا ئەڤ سالە ھاتیە ڤەگوھاستن بۆ یانا لیڤەرپول سادیو مانی بۆ دەزگەھێن راگەھاندنێ دیارکر ئەو شانازی ب وێ چەندێ بیت کو ئەو موسلمانە .
زێدەتر سادیو مانی بۆ رۆژناما میرو یا برێتانی دیارکر ئەو نێزیکی مەی و کارێن خراب نابیت ژبەرکو ئەو موسلمانە و ئەو دەست ژ نڤێژا چو جاران بەرنادەت کو ئەرکەکە ل سەر ملێ ھەمی موسلمانا و ئەو گەلەک یێ رژدە ل سەر دینێ خوە یێ ئیسلامەتیێ و ھەر پێنج نڤێژێن خوە یێن رۆژانە دکەت وەکو ئەرکەک ل سەر ملێ ھەر موسلمانەکی.
ناڤبری ئاماژە ب وێ چەندێ ژێ کر ئەو نە مەی نە کارێن خراب یێن دور ژ دینێ ئیسلامەتی ناکەت ژبەرکو ئەو ل دووڤ دینێ ئیسلامەتی دچیت و شانازی ب ئیسلام بوونا خوە بەت .
ھەژی گوتنێ یە سادیو مانی یاریزانێ سینیگالی یە خودانێ ٣٦ یاریێن نێڤدەولی یە ل گەل ھەلبژارتیێ سینگال شیا دەە گولان توماربکەت و دەستپێکا وی یا پیشەکاری ل گەل یانا میتز یا فەرەنسی بوو ل سالا ٢٠١١ -٢٠١٢ و پاش ل سالا ٢٠١٢ ھەتا ٢٠١٤ ھاتبوو ڤەگوھاستن بۆ یانا ریدبورگ سالزبورگ یا نەمسا ل گەل وێ یانێ ئاستەکێ بلند پێشکێشکر بوو ٦٣ یاریان دا شیابوو ٣١ گولان توماربکەت و ل سالا ٢٠١٤ ھەتا ٢٠١٦ یاری ل یانا ساوتھامتون یا ئینگلیزی یاری کر ئێک ژ ھێرشبەرێن بەرنیاس بوو دخولا پرمێرلیگ دا ل دو سالێن بوری د ٦٧ یاریان دا ل گەل یانا خوە شیا ٢١ گولان توماربکەت و ل دەستپێکا وەرزێ ئەڤ سالە یێ ٢٠١٦-٢٠١٧ ھاتە ڤەگوھاستن بۆ یانا لیڤەرپول لێ دەستپێکا وی توشی ھنگافتنەکێ بوویە و سادیو مانی خودانێ لەزترین ھاتریکە دخولا ئینگلتەرا دا پشتی ل سالا ٢٠١٥ د ماوێ دو دقیقا و ٥٦ چرکا شیا سێ گولان بۆ تیما خوە ساوتھامتون توماربکەت کو دھێتە ھژمارتن لەزترین ھاترین د مێژویا خولا ئینگلتەرا دا .
