یاریزانەکێ کورد بو خاترا عیراقێ ھەتا دووماھیا ژیانا خوە یاریێ بوو ھەلبژارتیێ کوردستانێ ناکەم
ئەڤرۆ نیوز،ھەژار مەعروف:
یاریزانێ کورد و یانا ھەولێرێ و یانا زاخۆ یێ بەری نوکە ئەحمەد سەرتیب ئەوێ بەرنیاس لولو ستوریەک ل ئەنستگرامێ خوە یێ تایبەت بەلاڤەکریە و تێدا دیارکریە بناڤێ خودێ مەزن و دلوڤان ئەوی دەست ژ یاریا تەپا پێ بەردە و چ تشت نەمان د ژیانا وی دا ب ناڤێ تەپا پێ و ئەوی ئەڤ بریارە دا ژبەرکو ئەوی ژبلی ھەلبژارتیێ عیراقێ یاری بۆ ھەلبژارتیەکێ دی نەکر .
ھەردیسان د وی پوستێ خوە دا ب دژواری ھێرشکریە سەر سەرۆکێ ئێکەتیا تەپا پێ یا عیراقێ و سەرۆکێ ئێکەتیا کوردستانێ ھەردیسان سەرۆکێ یانا ھەولێری و تێدا دیارکریە عەبدلخالق مەسعود تو و کورێ تە گوڤند و سەفین کانەبی و عەبدوللا مەجید چونکو ئەوی یاری بوو ھەلبژارتیێ عیراقێ کر و یاری بۆ ھەلبژارتیێ کوردستانێ نەکر ئەوە دژاتیا ئەوی کر و بلا دەست بەردانا وی یا یانا ھەولێرێ ژی د بەریکێن ھەوە دا بیت و ھەکە چ ھەلبژارتیی نەمان ل دونیایێ ئەو یاری بۆ ھەلبژارتیێ کوردستانێ ناکەت.
ھەژی گوتنێ یە ئەحمەد سەرتیب کوردە و خەلکێ باژێرێ ھەولێرێ یە و نوکە ل وەلاتێ تورکیا پەیوەندی ب یانا ھاتیا سپور یا تورکی کریە ئەوا دخۆلا پلا ئێک دا یاری کەت و پشتی وی یاریزانی داخوازیا دەست بەردانا خوە ژ یانا ھەولێرێ کری و بەرپرسێن وێ یانێ ژی رەتکری ئەو دەست بەردانا ئەوی بدەنێ ژبەرکو بێ ئاگاداریا وێ یانێ بەر ب وەلاتێ تورکیا ڤە چوویە .