یاریکەرەکێ تونسی گەھشتە زاخۆ
ئەڤرۆ:
یاریکەرێ ھەلبژارتیێ ئولومپی یێ تونس و یانا تەرجی یا تونسی سەیفەدین شمەری دوھی گەھشتە باژێرێ زاخۆ بۆ ئیمزاکرنا ھەڤبەستا یانا زاخۆ پشتی داخوازیا دەستەیا کارگێریا یانێ قەبولکری بو کرنا یاریێ ل گەل تیما خولا عیراقێ د یاریێن قوناغا دوێ دا.
د داخویانیەکێ دا بۆ رۆژنانا ئەڤرۆ یاریکەرێ ناڤبری دیارکر بەری پەیوەندیێ ب یانا زاخۆ بکەت پێزانین لسەر ھەنە و دخوازیا وی یە ل یانەکا جەماوەری یاریێ بکەت.
زێدەتر ناڤبری خویاکر یێ خوشجالە ب کرنا یاریێ ل یانا زاخۆ و ئومێدا ھەی د دەرگەھێ ڤێ یانێ و خولا عیراقێ را ڤەگەریتە خولێن کەنداڤی.
سەیفدین شمەری ئەوێ بەری نوکە ل ھەلبژارتیێ لاون و ئولومپیێ تونس یاری کری و دیسان ل یانێن مەدینە یا لیبی، شیمال یا قەتەری و تەرجی یا تونسی ئەو چەندە ژی ئاشکرا کر کرنا یاریێ دخولا عیراقێ دا یا ب زحمەتە ژبەرکو رەوشا عیراقێ یا ئارام نینە، لێ بەری ئەو پەیوەندی ب یانا زاخۆ بکەت د زانی ھەرێما کوردستانێ دەڤەرەکا ئارامە.
