یاریکەرەکێ زاخۆ ب موچەیەکێ ھەیڤانە ھەڤبەستا ھەولێرێ ئیمزاکر
ئەڤرۆ نیوز، ھەژار مەعروف:
دەستەیا کارگێریا یانا ھەولێرێ ل سەر داخوازیا راھێنەرێ تیمێ ھەڤبەستا یاریکەرێ یانا زاخۆ فەرحان شەکور ئیمزاکر، ئەوێ بەری ماوەکە ھەڤبەستا وی ل گەل زاخۆ ھاتیە ھەلوەشاندن ل سەر داخوازیا راھێنەرێ رومانی پشتی بۆ کارگێریا یانا زاخۆ دیارکری ئەوی چو پێدڤی ب شیانێن وى نینه ل ماوێ بھێت.
فەرحان شەکور د داخویانیەکێ دا بۆ ئەڤرۆ نیوز دیارکر ئەو ب فەرمی گەھشتە رێککەفتنێ ل گەل یانا ھەولێرێ ھەر چەندە ھەردو یانێن کارەبا و نەجەف پەیوەندی پێ کر بوو لێ ئەوی ھەڤبەستێن ھەردو یانا رەتکرن ھەر چەندە کوژمەکێ باشتر ژ یێ یانا ھەولێرێ دابوویێ، لێ ئەو دخوازیت یاریێ ل یانا ھەولێرێ بکەت ژبەرکو ئەو ل گەل ڤێ یانێ یێ ئارامە و باوەری ب خوە ھەیە دێ شێت ئاستێ خوە یێ جاران ڤەگەرینتە ڤە .
ل دویڤ ئەو پێزانین کەڤتینە بەر دەستێ مالپەرێ ئەڤرۆ نیوز کارگێریا یانا ھەولێرێ ب موچەیەکێ ھەیڤانە د گەھیتە دو ملیون دینارێن عیراقێ ھەڤبەستا فەرحان شەکور ئیمزاکری یە بۆ یاریێن قوناغا دوێ.
فەرحان شەکور ل دەمێ ئیمزاکرنا ھەڤبەستا یانا ھەولێرێ
فەرحان شەکور بەری نوکە یاری ل ھەلبژارتیێن لاوێن عیراقێ و ئولومپی عیراقێ کری یە
