یاریکەرەکێ عەرەب ل خولەکا ١٠٠ دالکورد ژ سەرکەفتنێ بێ بارکر
ئەڤرۆ نیوز،ھەژار مەعروف:
یانا دالکورد بەردەوامی دا ئەنجامێن خوە یێن خراب ل یاریگەھا خوە ل وەرزێ ئەڤ سال دخولا پلا ئێک یا سوید یا تەپا پێ دا پشتی بەری دەمەکێ کێم نەشیای سەرکەفتنێ ل سەر یانا دیگرفورس ل ناڤ ئەرد و جەماوەرێ خوە دا توماربکەت دەمێ ب دو گولان ل یاریگەھا خوە وەکھەڤبووی و دەلیڤەیەکا زیرین ژ دەست دا بۆ بەر ب رێزێن پێشیێ د لیستەیا خولێ دا بچیت.
ل نیڤا ئێکێ یانا دالکورد ل نیڤا ئێکێ پێشکەڤت بوو ب دو گولان ئەوێن ژلایێ یاریکەرێن وێ یێ فەلەستینی ئەحمەد ئەوات و یێ تونسی عیماد لوئەی ڤە ھاتینە تومارکرن لێ ل نیڤا دوێ یاریکەرێن یانا دیگرفورس عومەر عیونی شیا دو گولان بۆ تیما خوە توماربکەت و یانا دالکورد ژ سەرکەفتنەکا مسوگەر بێ بارکەت کو گولا ئێکێ ل دقیقا ٥٧ بوو گولا دوێ ل دقیقا ١٠ یا زێدەکری ئانکو ل دقیقا ١٠٠ ژ یاریێ تومارکر پشتی وێ گولێ ئێکسەر دادڤانێ یاری ب دووماھی ئینا .
