یاریێن ئەڤ شەڤە یێن یوروپا لیگ
ئەڤرۆ نیوز، زنار:
بریارە ئەڤ شەڤە ل دەمژمێر ١٠:٠٥ چار یاریێن بھێز ژ قوناغا ھەشتێ یا قارەمانیا یوروپا لیگ بھێنە کرن و گرنگترین یاری دێ ناڤبەرا بروسیا دورتموند و لیڤەرپول یا ئنگلیزی دا بیت دیسان دێربیا ئسپانیا ژی ناڤبەرا ئەشبیلیا و ئەتەلتیکو بلباو ژی دێ ھێزەکا دی دەتە یاریێن دی.
یانا لیڤەرپول ب سەرپەرشتیا راھێنەرێ خوە یێ ئەلمانی یورگن کلوب کو راھێنەرێ بەرێ یێ یانا دورتموند بوو دێ یاریەکا بھێز ھەمبەر یانا خوە یا بەری نوکە کەت کو دبیتە یاریا ئێکێ یا کلوب ڤەگەریتە ڤێ یاریگەھێ پشتی ل وەرزێ بوری ئەڤ یانە بجە ھێلای و بەری نوکە ھەردو یانا دیارکریە کو دێ یاریەکا ب زەحمەت بیت بۆ وان ژبەر ھێزا ھەردو یانا د ڤێ قارەمانیێ دا و ئەڤ یاریە دێ زێدەتر د بەرژەوەندیا یانا بروسیا دورتموند دا بیت ژبەرکو دێ یاریێ د ناڤ ئەرد و جەماوەرێ وێ دا بیت.
ژلایێ خوە ڤە د یاریەکا دی یا بھێز دا یانا ئەشبیلیا دێ یاریەکا ب زەحمەت ل گەل وەلاتیا خوە یانا ئەتلەتیکو بلباو کەت ل یاریگەھا سام مامێس.
و نوونەرا دی یا ئسپانی یانا ڤیاریال دێ یاریەکا ب ساناھی ل یاریگەھا خوە مادریگال ھەمبەر یانا سپارتا براگ یا چیکی کەت و یانا شاختار دونیتیسک دێ بیتە مێڤانا سپورتینگ براگا یا پرتوگالی.
