یاریێن خولا عیراقێ ل كوردستانێ ناهێنه‌كرن
ئه‌ڤرۆ نیوز:
چاڤه‌رێ دهاته‌كرن ل 16 ڤێ مه‌هێ یاریێن خۆلا عیراقێ ب پشكداریا 15 یانان كو ل سه‌ر سێ كومان هاتبونه به‌لاڤه‌كرن ل یاریگه‌هێن دهۆك و هه‌ولێر و زاخۆ یان سلێمانیێ ده‌سپێكێ بكه‌ن لێ ئه‌ڤرۆ ئێكه‌تیا ته‌پا پێ یا عیراقێ ب فه‌رمى ژ وێ بریارا خوه یا به‌رى نوكه لێڤه‌بوو.
ئێكه‌تیا ته‌پا پێ یا عیراقێ ئه‌ڤرۆ د گونگره‌كێ رۆژنامه‌ڤانى دا دیاركر پشتى ره‌وشا ئارامى ل عیراقێ باشتر لێ هاتى ئه‌وان بریار دا شێوازێ خولێ ب 16 ڤێ مه‌هێ بهێته گوهورین و خول دێ ب پشكداریا هه‌ر 15 یانان ب شێوه‌یێ خول و ئێك قوناغ هێته ئه‌نجامدان و هه‌ر یانه‌یه‌ك دێ 7 یاریان ل یاریگه‌ها خوه كه‌ت و 7 ژ ده‌رڤه‌ى یاریگه‌ها خوه كه‌ت .
