یاسر قاسم یاریکەرێ ئێکێ یە دھێتە ھەلبژارتن بۆ قارەمانیا ریو دی جونیرو
ئەڤرۆ نیوز:
ژێدەرێن نێزیک ژ ئێکەتیا تەپا پێ یا عیراقێ وەسا دایە دیارکرن راھێنەرێ ھەلبژارتیێ ئولومپی عیراقێ عەبدولغەنی شەھد بۆ ئێکەتیا تەپا پێ دیارکریە ئەو دێ بۆ قارەمانیا ئولومپیاتێن ریو دی جونیرو ناڤێ یاریکەرێ یانا سویندن تاون یاسر قاسم زێدە کەت .
ئەوان ژێدەران ئەو چەندە ژی دیارکری یە راھێنەری پەیوەندی ب یاسر قاسم کری یە دیارکری یە ناڤێ وی یێ ئێکی یە ژ ئەوان سێ یاریکەرێن ژیێ ئەوان سەر ٢٣ سالی دا .
ھەژی گوتنێ یە ھەلبژارتیێ عیراقێ دەربازی ئولومپیاتێن ریو دی جونیرو بوویە وەکو تیما رێزا سیێ ل ئاسیا و ھەر ھەلبژارتیەکێ پشکدار د قارەمانیێ دا ماڤ ھەیە سێ یاریکەرێن ژیێ ئەوان سەر ٢٣ سالی دا بینە ل گەل ھەلبژارتیێ خوە.
