یانا ئیبراھیموڤیچ بۆ وەرزێ بھێت دیار بوو
ئەڤرۆ نیوز:
ھەڤبەستا ستێرا سویدی و گولکەرێ خولا فەرەنسا ئیبراھیموڤیچ ل گەل قارەمانا خولا فەرەنسا یانا پاریس سان جێرمان دێ ل دووماھیا ڤی وەرزی ب دووماھی ھێت کو بریارە یاریا دووماھیا کاسا فەرەنسا ل حەفتیا بھێت بەرامبەر مارسیلیا بیتە دووماھی یاریا ئیبرای ب درێسێ یانا پاریس.
رۆژنامەیێن ئورۆپی چەند دەنگوباس ل رۆژێن بوری بەلاڤەکر بوون کو تێدا دیارکر بوون دبیت ب رێژەکا مەزن گولکەرێ خولا فەرنسا یا ئەڤ سالە جارەکا دی ڤەگەریتە یانا میلان یا ئیتالی، چەند رۆژنامەیێن دی وەسا دابوونە دیارکرن دێ بەر ب خولا ئینگلتەرا چیت تایبەت ل یانا مانچستەر یوناید ئەوژی ب مەرجەکی ئەگەر راھێنەرێ پرتوگالی مورینوی یانا مانچستەر وەربگریت.
رۆژنامەیا سکای یا ئیتالی د د دەنگوباسەکێ خوە یێ نە چاڤەرێکری بۆ حەژێکەرێن ڤی یاریکەری دیارکری یە کو ٩٠% یانا ئیبراھیموڤیچ یا وەرزێ بھێت دیاربووی یە ئەوژی دێ یاریێ ل یانا لوس ئەنجلوس گالاکسی یا ئەمریکی کەت کو ھەمان یانە یە ئەوا بەری نوکە ستێرا ئینگلیزی دیڤید بێکھام یاری لێتکر.
