یانا دھۆک بۆ خولا کوردستانێ پێنج یاریکەرێن نوو زێدەکرن بزانە کیژ یاریکەرن
ئەڤرۆ نیوز:
پشتی یانا دھۆک ب فەرمی خوە ژ خولا پلا نایاب یا عیراقێ ڤەکێشای و دەست ژ ھژمارەکا دی یا یاریکەرێن خوە بەردەی دوھی کارگێریا یانا دھۆک ناڤێ پێنج یاریکەرێن تیما خولا عیراقێ ل تیما خولا کوردستانێ زێدەکرن بوو یاریێن بھێت یێن خولا کوردستانێ و ھەڤرکی ل سەر ناسناڤێ خولێ .
ئەو یاریکەرێن دەستەیا کارگێریا یانا دھۆک بوو تیما کوردستانێ زێدەکرین ھەر ئێک ژ کابتنێ تیمێ خالد مشیر ل ھێلا بەرەڤانیێ و ئەحمەد جاسم، ئوسامە محەمەد ل ھێلا ناڤین و وەلید سەلمان ل ھێلا ھێرشبەریێ و کاوە دینو گولچیێ بەرنیاس ل سەر ئاستێ ھەرێما کوردستانێ.
چاڤەرێ دھێتەکرن ئەڤ یاریکەرە بۆ یاریا بھێت یا تیما دھۆک د بەرھەڤبن ئەوا بریارە ل رۆژا پێنج شەمبیا بھێت ل گەل یانا پێشمەرگا ھەولێرێ ل یاریگەھا وێ بکەت.
