یانا راکیتیچ یا نوو ئاشکرابوو
ئەڤرۆ نیوز:
راپورتێن رۆژنامەڤانی ل ئیسپانیا ئاشکراکرینە یاریزانێ ھەلبژارتیێ کرواتیا و ستێرا ھێلا ناڤینا یانا بەرشەلۆنا ئیڤان راکیتیچ دخوازیت ل ھاڤینا بھێت پێکھاتیێ وێ یانێ ب جهـ بھێلت تایبەت پشتی وێ یانێ ھەڤبەست ل گەل یاریزانێ ھولەندی دی یونگ ئیمزاکری .
رۆژناما مارکا ئیسپانی دیارکریە یانا ئەنتر میلان ب فەرمی ھەڤبەستەکا ٣٥ ملیون یورۆ پێشکێشی کارگێریا یانا بەرشەلۆنا کریە بوو ڤەگوھاستنا راکیتیچ ل ھاڤینا بھێت لێ یانا بەرشەلۆنا ئەو داخوازیا وێ یانا ئیتالی رەتکریە و داخوازیا ٤٥ ملیون یورۆیا ژ ئەنتر میلان کریە .
ھەردیسان ئەوێ رۆژنامێ ئاشکراکریە ژی ھەردو یانە گەلەک نێزیکی ئیکن و دبیت ب رێژەکا ھەرە مەزن ئەو یاریزان ل ھاڤینا بھێت پەیوەندی ب یانا ئەنتر میلان بکەت ژبەرکو وی یاریزانی ژی بەری نوکە دیارکربوو حەزا کرنا یاریێ ل خۆلا ئیتالیا ھەی.
