یانا مان یوناید ٢٥٠ ملیون بۆ ھەڤبەستان بەرھەڤکرینە
ئەڤرۆ نیوز:
راھێنەرێ پرتوگالی یێ یانا مانچستەر یونایتد یا ئنگلیزی داخواز ژ کارگێریا یانێ کریە ب کێماسی پێنج ھەڤبەستان ل ماوێ ڤەگوھاستنێن ھاڤینا ئەف سالە ئیمزا بکەن کو بھایێ وان دگەھیتە نێزیکی ٢٥٠ ملیون جونەیھێن ئسترلینی.
زێدەتر ل دور ڤی بابەتی جوزێ مورینھو داخواز ژ جێگرێ سەروکێ ب جە ئینانا یانا مانچستەر یونایتد کریە بودجەکێ ب کوژمێ ٢٥٠ ملیونان بەرھەڤ بکەن بو ئیمزاکرنا ھەڤبەستێن یاریزانان.
زێدەتر ڤێ روژنامێ ئاماژەکریە کو مورینھو دخوازیت ھەڤبەستا توبی ئەلدیرفیریلد بەرەڤانێ توتنھام ل گەل ئینانا فەرید ژ شاختار یا ئوکرانێ و جان میشێل سیری ژ نیس یا فرەنسی و جورجینیو ژ ناپولی ئیمزا بکەت.
ھەروەسا یانا مانچستەر یونایتد یا بزاڤان دکەت ھەڤبەستا ئیلێکس ساندرو ژ یوڤانتوس ئیمزا بکەت و مەزنترین خواستا وان ل ڤێ ھاڤینێ ڤەگەراندنا گارس بێلی یە بو ناڤا ھەڤرکیێن خولا ئنگلیزی.
ھەروەسا ئەو چەندە ژی ھاتیە زانین ئیمزاکرنا ھەڤبەستێن نوو دێ دەرگەھی ل ھەمبەر چونا دالی بلیند و ماتیو دارمیان و لوک شالو ل گەل ئەنتونی مارسیال ڤەگەت رێزێن یانێ ب جە بھێلن و ب ھەمان شێوە مەروان فیلاینی ژی دێ چیت پشتی ب دووماھی ھاتنا ماوێ ھەڤبەستا وی.
یانا مانچستەر یونایتد دێ بزاڤا ئیمزاکرنا ڤان ھەڤبەستا یێن مورینھوی کرین کەت ب مەرجەکی بشێت ناسناڤێ خولا پلا نایاب یا ئنگلیزی ببەت کو ژ سالا ٢٠١٣ وەرە ژێ دوورکەفتی.
