یانا گارە یاریکەرێن تیما خوە ب ١٥ ملیونان خەلاتکرن
ئەڤرۆ نیوز:
ژبەر ئەو ئەنجامێن باش یێن تیما تەپا پێ یا گارە ل ھەردو یاریێن بوری دخولا کوردستانێ دا ب دەستخوڤە ئینای کارگێریا یانا گارە یاریکەرێن تیمی ل گەل ستاڤێ راھێنەری خەلاتکرن وەکو پشتەڤانیەک ل یاریێن بھێت بەردەوامی ب دەنە ھەڤرکیا دەربازبوونێ.
بەرپرسێ راگەھاندنا یانا گارە مللەت جەمال د داخویانیەکێ دا بۆ ئەڤرۆ نیوز دیارکر کارگێریا یانێ بریار ھەمی یاریکەرێن تیمی لگەل دەستەیا راھێنەریا تیمێ خەلابکەن ژبەر ئەو ھەردو سەرکەفتنێن د یاریێن بوری دا ل سەر سولاڤ و دھۆک کو کوژمێ کشتی یێ خەلاتکرنا ھەردو یاریان گەھشتە ١٥ ملیون دیناران و کارگێریا یانێ سوزدا یاریکەرن ھەکە ئەنجام ل یاریێن بھێت باشتربیت دێ پاداشێن گەلەک باشتر ھەبن .
ھەردیسان بەرپرسێ راگەھاندنا یانا گارە ئاماژە ب وێ چەندێ ژی کر سەروکێ فەخری یێ یانا گارە و خودانێ کومپانیا نەوروز تیلکوم و رێبەر ئەڤ کوژمێ پارەی بۆ یانێ تەرخانکریە و پشتەڤانیا خوە بۆ تیمێ دیارکری یە ل یاریێن بھێت .
