یانێن عیراقی ژ قارەمانیا ئاسیا ھاتنە دوورخستن
ئەڤرۆ نیوز، زنار:
یانێن عیراقی جارەکا دی نەشیان باوەریا ئێکەتیا تەپا پێ یا ئاسیا بۆ خوە دروستبکەن پێخەمەت پشکداریکرنا وان د قارەمانیا ئاسیا قارەمانێن خولان ژبەر نەبوونا مەرجێن پێدڤی ل دەف خول و یانێن عیراقی بۆ پشکدریێ د ڤێ قارەمانیێ دا.
ئەڤ بریارا دوورخستنا ئێکەتیا ئاسیا ژ قارەمانیا ئاسیا قارەمانێن خولان ژبەرکو نەشیان لدووڤ داخوازیا ئێکەتیا ناڤبری مەرجێن پێدڤی دابین بکەن ژ وان مەرجێن گرنگ نەبونا پشتەڤانیا دارایی یا پێدڤی و نەبونا ژێرخانەیا وەرزشی و یاریگەھێن ل ئاستێ یاریێن ڤێ قارەمانیێ.
ئەڤ چەندە ھاتە پێش پشتی یانێن عیراقی ب رێکا ئێکەتیا تەپا پێ یا عیراقێ بزاڤ د کرن بۆ پشکداریکرنا یانێن وان د قارەماتیا ئاسیا قارەمانێن خولان دا، ژ گرنگترین وان مەرجێن ئێکەتیا ئاسیا دیارکرین داکو مافێ پشکداریێ د ڤێ قارەمانیا ئێکێ ھەبیت ل سەر ئاستێ کیشوەرێ ئاسیا ئەڤەنە، پێدڤیە خولا وی وەلاتی ژ ١٢ یانا زێدەتر نەبیت و ھەر تیمەک ٣٣ یاریا زێدەتر نەکەت د خولێ دا د ماوێ وەرزەکی دا دیسان ھەر یانەکێ دڤێت ٢٠ ھەڤبەستێن ل سەر ئاستێ پیشەکارا ئیمزا بکەت دیسان مەرجێن پێدڤی د ھەبوونا یاریگەھان دا ژوانا ھەبوونا روناھیەکا نایاب دیسان یاری ل دەمێ ئێڤاری و شەف بھێنە کرن کو ئەڤ مەرجە ژی بەروڤاژی خولا عیراقێ یە ژ بەرکو یاریێن خولا عیراقێ یا تەپا پێ ھەمی ل دەمێ پشتی نیڤرۆ دھێنەکرن.
دھێتە زانین یانێن خولا عیراقێ تنێ ماف ھەی پشکداریێ د قارەمانیا ئێکەتیا ئاسیا دا بکەن ل وەرزێن بھێت.