یانێن عیراقێ د بەردەوامن ل سەر ئیمزاکرنا یاریزانێن کورد
ئەڤرۆ،ھەژار مەعروف:
گولچیێ کورد و یانا نەوروز و سلێمانیێ یێ بەری نوکە یاسین کەریم ب فەرمی ھەڤبەستا یانا نەجەف ئیمزاکر پشتی چەندین داخوازی ژ یانێن بەرنیاس گەھشتی نە بەر دەستێ وی و ل دووماھیێ ھەڤبەستا یانا نەجەف ئیمزاکر .
یاسین کەریم ئەوێ ل دو وەرزێن بوری یاری ل یانا مینا کری و شیای ئێک ژ باشترین ئاست ل گەل ئەوێ یانێ پێشکێش بکەت ئەڤ سالە ببو جھێ گرنگیا چەندین یانێن بەرنیاس ل سەر ئاستێ عیراقێ ژ ئەوانا یانێن ئەمانە بەغدا و زەورا و شورتە لێ ناڤبری ھەڤبەستا یانا نەجەف ل دووماھیێ ھەلبژارت.
د دیدارەکێ دا گولچیێ ناڤبری بۆ ئەڤرۆ دیارکر ئەوی ھەڤبەستا نەجەف ھەلبژارت ژبەرکو ئەو دبینت دەلیڤەیا کرنا یاریێ پتر ل ڤێ یانێ بوو ئەوی ھەیە ھەر چەندە ھەڤبەستێن زەورا و شورتە وەکو کوژمێ پارەی گەلەک ژ یا نەجەف مەزنتر بوو لێ یا گرنگ بتنێ پارە نین بەلکو ئەو دبینت ل دەڤ ئەوی کرنا یاریێ ژی بوو ئەوی گەلەک یا گرنگە .
ھەردیسان ناڤبری دیارکر ژی ئەڤە دێ بیتە وەرزێ سێ وی دخۆلا عیراقێ دا ئەو گەلەک یێ ئارامە بەری ئەو بھێتە باشورێ عیراقێ مەترسی ل دەڤ ھەبوو لێ پشتی کرنا یاری ل خۆلا عیراقێ ل ھەردو وەرزێن بوری نوکە بۆ ئەوی باوەریەکا مەزن پەیدا بوویە ھەردیسان ئەو دبینت کرنا یاریێ ل خۆلا عیراقێ گەلەک یا گرنگە بۆ ھەموو یاریزانان و ئەو دبینت ھەکە یاریزانێ کورد بۆ دەلیڤا کرنا خۆلا عیراقێ بوو پەیدا بوو بلا ژ دەستێ خوە نەکەت و یاری بکەت ژبەرکو ئەو دبینت ھەکە یاریزان ب خوازیت یێ بەردەوام بیت ل سەر کرنا یاری بۆ ماوەکێ درێژ ئەو دێ یاریێ ل خولەکا وەکو عیراقێ کەت .
ھەژی گوتنێ یە ل حەفتیا بوری ژی گولچیەێ دی یێ کورد ھەڤبەستا یانەکا دی یا عیراقێ ئیمزاکر بوو ئەوژی کورێ باژێرێ دھۆکێ دلوڤان مەھدی بوو ب ڤێ چەندێ بۆ وەرزێ نوو یێ خۆلا عیراقێ دو گولچیێن کورد دێ درێسێ یانێن عیراقێ پارێزن
