یانێن مەزن ل ئیتالیا و ئورۆپا چاڤدێریا ھێرشبەرێ ھەلبژارتیێ عیراقێ دکەن
ئەڤرۆ نیوز:
ھێرشبەرێ گەنچ یێ ھەلبژارتیێ عیراقێ و یانا شورتە مەھند عەلی یێ بەرنیاس ب میمی نوکە بوویە جھێ گرنگیا چەندین یانێن عەرەبی و ئورۆپی تایبەت پشتی وی ئاستێ بلند ل گەل ھەلبژارتیێ خوە د قارەمانیا ئاسیا دا .
ھژمارەکا رۆژنامەیێن ئیتالی و ئورۆپی دیارکریە سێ یانێن بەرنیاس ل سەر ئاستێ ئورۆپا نوکە چاڤدێریا ھێرشبەرێ گەنج یێ ھەلبژارتیێ ئێکێ یێ عیراقێ مەھند عەلی یێ ١٨ سالی دکەن بوو ڤەگوھاستنا ئەوی ل ڤەگوھاستنێن زڤستانێ .
ھەردیسان ئەولان رۆژناما ل دیڤ گوتنا رێڤەبەرێ کاروبارێن وی یاریزانی ل ئورۆپا کریستان دیارکرینە ھەر ئێک ژ یانێن ناپولی یا ئیتالی و بروسیا دورتموند یا ئەلمانی و ئەندلەخت یا بەلجیکی چاڤدێریا ئەوی یاریزانی دکەن بوو ئیمزاکرنا ھەڤبەستا ئەوی.
ھەردیسان رێڤەبەرێ کارێن وی یاریزانی دیارکریە ژی چەندین ھەڤبەستێن فەرمی گەھشتی نە بەر دەستێ ئەوان ژ یانێن کەنداڤی ئەوژی یانێن سەد و دەحێل یێن قەتەری و فەتح و شەباب یێن سعودی لێ ئەوان ھەتا نوکە چو بریار ل سەر ئەوان نەدایە.
