یانێن کوردی ئەڤرۆ دخولا تورکیا دا خوسارەت نەبوون
ئەڤرۆ نیوز:
ھەر چار یانێن باکورێ کوردستانێ یێن پشکدار دخولا پلا سێ یا تورکیا دا ئەڤرۆ توشی خوسارەتیێ نەبووین و دو شیان سەرکەفتنێ توماربکەن و دو وەکھەڤ بوون .
ژ دەرڤەی یاریگەھا خوە یانا دیاربەکر سپور شیا بەردەوامی ب دەتە ھەڤرکیا دەربازبوونا خوە بۆ خولا پلا دو پشتی شیای سەرکەفتنێ ل سەر یانا غازی عوسمان پاشا توماربکەت ل یاریگەھا وێ ب گولەکێ بێ بەرامبەر و ب ڤی ئەنجامی دیاربەکر سپور خالێن خوە گەھاندنە ٤٠ خالان پێشڤە ھاتە رێزا دوێ دلیستەیا کوما دوێ دا .
ژلایەکێ دیڤە ژ چارچوڤێ یاریێن کوما سیێ دا یانا باتمان پەترول سپور شیا سەرکەفتنەکا گرنگ ل سەر سەرکێشا کومێ یانا قەستەمەنور سپور توماربکەت ب سێ گولان بەرامبەر گولەکێ و خالێن خوە گەھاندنە ٣٠ خالان خوە ژ مەترسیا دەربازبوونێ دورئێخست ھەردیسان د ھەمان کوم دا وان سپور ژی ژ دەرڤەی یاریگەھا خوە ل گەل بەرگەما بەلدیە سپور ب گولەکێ و دێرسم ل یاریگەھا خوە ل گەل بەلیربی بەلدیە سپور بێ گول وەکھەڤ بوو.
