یانێن کوردی دخۆلا تورکیا دا دڤێ حەفتیێ دا نە سەرکەفتی بوون
ئەڤرۆ نیوز:
نوونەرێن باکورێ کوردستانێ د خولێن پلا دو سێ یێن تورکیا دا نەشیان ئەنجامێن باش دڤێ حەفتیێ دا توماربکەن بتنێ یانا جەزیرە سپور نەبیت ئەوا شیا سەرکەفتنێ توماربکەت و چار یانێن دی نەشیان سەرکەفتنێ توماربکەن.
دخۆلا پلا دو دا یانا ئامەد دو خالێن گرنگ ژ دەستدان و رێیا خوە بوو پلێتا دەربازبوونێ بۆ قوناغا پلەی ئوڤ ب زەحمەت ئێخست پشتی ژ دەرڤەی یاریگەھا خوە ل گەل یانا مانیسا سپور ب دو گولان وەکھەڤبووی و دەستپێکێ یانا ئامەد پێشکەڤت ب گولا یاریزانێ خوە فورکان یەمان ل دەقیقا ٢٥ و پاش یانا مانسیا ل دەقیقا ٥٦ گولا وەکھەڤیێ تومارکر و یانا ئامەد ب رێیا یاریزانێ خوە فورکان یەمان جارەکا دی پێشکەڤت ب دەقیقا ٧٤ و دادڤانێ یاریێ ١٠ دەقیقە وەکو دەمێ زێدەکری دان و ل دەقیقا ٩٧ یانا مانیسیا شیا گولا وەکھەڤیێ ل سەر ئامەد توماربکەت و ژ سەرکەفتنەکا مسوگەر بێ بارکر .
ژلایەکێ دیڤە ل یاریێن خۆلا پلا سێ یانا باتمان سپور بەردەوامی دا ئەنجامێن خوە یێن لاواز و توشی خوسارەتیا سێ ل دیڤ ئێک بوو دەمێ ل ناڤ ئەرد و جەماوەرێ خوە خوسارەت بووی ل گەل یانا سێل یلدز سپور ب گولەکێ بێ بەرامبەر و ل یاریێن کوما دوێ دا یانا وان سپور ژی نەشیا سەرکەفتنێ توماربکەت دەمێ ل یاریگەھا خوە ل گەل یانا ئەلتیونونگ بەلدیە سپور وەکھەڤبووی بێ گول ، ل یاریێن کوما سێ دا یانا دیاربەکر سپور ئەوا ل وەرزێ ئەڤ سالە د لاوازترین ئاست خوە دا بوریت نەشیا سەرکەفتنێ ل سەر تیما دووماھیێ ل کوما خوە دا توماربکەت دەمێ وەکھەڤبووی ل یاریگەھا خوە ل گەل یانا بوجا سپور ب گولەکێ و وێ ژی دەلیڤەیا خوە بوو دەربازبوونێ ب زەحمەت ئێخست و یانا جزیرە سپور بتنێ یا مفاداربوو ژ یانێن کوردی د خولێن تورکیا دا ل ڤێ حەفتیێ پشتی ب سەرکەفتی ل سەر یانا ترابزون ب گولەکێ بێ بەرامبەر.
