یانەکا ئنگلیزی بھایێ یاریزانەکێ ناپولی بلندکر
ئەڤرۆ نيوز :
یانا مانچێستەر سیتی بۆ دەستڤە ئینانا ئارمانجا خوە یا سەرەکی ل مێرکاتویا ھاڤینا ئەڤ سالە کوژمێ کرینا یاریزانێ بەرازیلی و ناپولی جورجینھو بلند کر ب مەرەما دەستڤە ئینانا شیانێن ئەڤی یاریزانی پشتی یاریزانێ ناڤبری ل وەرزێ بوری ئێک ژ باشترین ئاست ل گەل یانا باکورێ ئیتالی پێشکێشکری ل ھەردو قارەمانیێن ئورۆپا و کاتیشو.
رۆژناما ئیتالیا فتبول دیارکریە یانا مانچێستەر سیتی کوژمێ ٤٧ ملیون یورۆیا پێشکێشی یانا ناپولی کریە ھەردیسان ل گەل حەفت ملیون وەکو پاداشێن ڤەگوھاستنا ئەڤی یاریزانی لێ ھەتا نوکە یانا ناپولی ب فەرمی چو بەرسڤ ل سەر داخوازیا یانا ئینگلزی نەداینە .
ئەوێ رۆژنامێ ئاشکراکریە ژی سەرۆکێ یانا ناپولی ل ڤێ حەفتیێ دێ بریارا دووماھیێ ل سەر مان یان چونا جورجینھوی دەت لێ ل دیڤ ژێدەرێن نێزیکی یانا ناپولی وەسا دیاردکەن ھەکە بھایێ کرینا وی ب گەھیتە ٦٠ ملیون یانا ناپولی دێ ل سەر چوونا جورجینھوی رازی بەت.
