یانەکا ئنگلیزی د ھەڤرکیا ئینانا یاریزانەکی دا ب سەرکەڤت ل سەر بایرن میونیخ
ئەڤرۆ نیوز:
دبیت یانا بایرن میونیخ ئێک ژ ئارمانجێن خوە یێن ڤەگوھاستنا ھاڤینا ئەڤ سالە ژ دەست بدەت پشتی یانەکا ئنگلیزی کەڤتی یە د ھەڤرکیەکا دژوار دا ل گەل ئەوان بوو دەستڤە ئینانا یاریزانێ گەنچ یێ ئیسپانی دانی ئولمو .
راپورتێن رۆژنامەڤانی ل برێتانیا و ئەلمانیا دیارکرینە یانا ولڤرھامبتون یا ئینگلزی کەڤتی یە د ھەڤرکیەکا دژوار دا ل گەل یانا بایرن میونیخ بوو دەستڤە ئینانا ستێرا گەنچ یا دینامو زەگراب یا کرواتی دانی ئولمو .
زێدەتر ئەوان راپورتێن رۆژنامەڤانی دیارکریە یانا ولڤرھامبتون کوژمێ ٢٥ ملیون یورۆیا بەرھەڤکرینە بۆ ڤەگوھاستنا ئەوی یاریزانی و دبیت ب رێژەیا ھەرە مەزن ئەو وی یاریزانی ب دەستخوڤە بینت ژبەرکو ئەو کوژمێ ئەوان پێشکێشی یانا دینامو زەگراب کری ژ یێ یانا بایرن میونیخ زێدەترە و ھەردیسان یاریزانی ژی حەزا چوونا خۆلا ئنگلتەرا ھەیە .
دانی ئولمو ل ھێلا ناڤین یاریێ دکەت و ئێک ژ ئارمانجێن سەرەکی یێن یانا بایرن میونیخ بوو ل وەرزێ ئەڤ سالە پشتی ل گەل ھەلبژارتیێ ئیسپانیا یێ ٢١ سالی و یانا خوە شیای ئاستەکێ بلند پێشکێش بکەت .
ھەژی گوتنێ یە یاریزانێ ناڤبری دەستپێکا ژیانا خوە ل تیمێن پێگەھشتی و لاوێن بەرشەلۆنا کریە و پاش ل سالا ٢٠١٥ یانا دینامو زەگرب ھەڤبەست ل گەل ئیمزاکر وی یاریزانێ ناڤبری ئیمزاکر کو ھەتا سالا ٢٠١٧ یاری ل تیما دوێ یا وێ یانێ کر و ل پاش بو وەرزێ ٢٠١٧-٢٠١٨ ھاتە سەرئێخستن بۆ تیما ئێکێ .
