یانەکا ئیتالی دخوازیت دو یاریزانێن خوە ب ٥٥ ملیونان فروشیت
ئەڤرۆ نیوز:
یانا ئەرسینال یا ئنگلیزی داخوازیەک پێشکێشی یانا سامبەدوریا یا ئیتالی کر بوو ڤەگوھاستنا دو یاریزانێن وێ یانا ئیتالی ل مێرکاتویا ھاڤینا ئەڤ سالە لێ وێ یانا ئیتالی داخوازیا ئەرسینال رەتکر .
رۆژناما لاگازێتا دیللو سپورت یا ئیتالی دیارکریە یانا ئەرسینال ھەڤبەستەک پێشکێشی یانا سامبەدوریا کر بوو ڤەگوھاستنا ھەردو یاریزانێن وێ یواکیم ئەندرسن و دینیس برایت لێ وێ یانا ئیتالی رەتکر ژبەر کوژمێ پارەی پشتی یانا ئنگلیزی کوژمێ ٤٨ ملیون یورۆیا پێشکێشی بەرپرسێن یانا سامبەدوریا کری لێ ئەوێ یانا ئیتالی رەتکر و دیارکریە ب مەرجەکی ئەو دێ دەستا ژ ھەردو یاریزانێن خوە بەردەت ئەوژی بەرامبەر کوژمێ ٥٥ ملیون یورۆیا کو ٣٠ ملیون یورۆ ئەندرسن و ٢٥ ملیون بۆ ڤەگوھاستنا برایت.
ھەژی گوتنێ یە یانا ئەرسینال ل ھاڤینا بوری ژی یاریزانەکێ یانا سەمبادوریا لوكاس توريرا ڤەگوھاست بوو دناڤ رێزێن یانا خوە دا بەرامبەر ٣٠ ملیون یورۆیان .
