یانەکا بەرنیاس ل ئورۆپا دو ملیون یورۆ پێشکێشی یاریزانەکێ کورد کرینە
ئەڤرۆ نیوز:
پشتی وی ئاستێ بلند یێ یاریزانێ کورد و ھەلبژارتیێ عیراقێ و یانا سانتا کلارا یا پورتوگالی ئوسامە رەشید ل وەرزێ ئەڤ سالە ل گەل یانا خوە دخۆلا پورتوگالی دا پێشکێشکری نوکە ئەو یاریزانێ کورد بوویە جھێ گرنگیا چەندین یانێن بەرنیاس ل سەر ئاستێ وی وەلاتی .
راپورتێن رۆژنامەڤانی یێن وەلاتێ پورتوگالێ ئاشکرایە قارەمانا وەرزێ ئەڤ سالە یا خولا پورتوگال یانا بەنفیکا ھزر ل ئینانا ستێرا کورد و کابتنێ یانا سانتا کلارا ئوسامە رەشید کریە بۆ ڤەگوھاستنێن ھاڤینا ئەڤ سالە و ل دیڤ گوتنا ئەوان رۆژناما ئەو یانا یا بەرھەڤە کوژمێ دو ملیون یورۆیان تەرخان بکەت بوو ڤەگوھاستنا ئەوی یاریزانی وەکو موچەیێ وی یاریزانی و بھایێ ھەلوەشاندنا ئەوی یاریزانی.
ھەردیسان ئەوان رۆژناما بەلاڤەکریە ژی چاڤەرێ دھێـتەکرن زوربەیا یاریزانێن ھێلا ناڤینا یانا بەنفیکا ل ڤەگوھاستنێن ھاڤینێ پێکھاتیێ وێ یانێ ب جە بھێلن و بەر ب خۆلێن دی یێن ئورۆپی بجن لەورا ئەو یانە نوکە ھزر ل ئینانا کابتن و ستێرا یانا سانتا کلارا کریە .
ژلایەکێ دیڤە یانا سانتا کلارا دیارکریە یانا سانتا کلارا بەری نوکە مەرجەک دانایە بەر ڤەگوھاستنا وی یاریزانێ خوە یێ کورد و ھەلبژارتیێ عیراقێ ئوسامە رەشید کو ھەر یانەکا حەزا ئیمزاکرنا ھەڤبەستا ئەوی یاریزانی ھەبیت پێدڤی یە کوژمێ ئێک ملیون یورۆ و نیڤا پێشکێشی ئەوان بکەن .
ھەژی گوتنێ یە ئوسامە رەشید یێ ٢٧ سالی خەلکێ باژێرێ کەرکوک و ل سالا ٢٠١٤ یاری بۆ ھەلبژارتیێ کوردستانێ ژی کریە و ھەردیسان نوکە یاریزانێ ھەلبژارتیێ عیراقێ یێ ئێکێ یە و ل وەرزێ ئەڤ سالە پشکداری د ٢٥ یاریان دا کریە دخولا پرتوگالێ دا و شیا حەفت گولا توماربکەت و شەش گولا ژی بوو ھەڤالێن خوە بەرھەڤبکەت.
