یانەکا تورکی و ئیسپانی ھەڤرکیا گولچیەکێ کورد کەت
ئەڤرۆ،ھەژار مەعروف:
گولچیێ ھەلبژارتیێ ئیران و یانا پیروزی یا ئیرانی بوویە جھێ گرنگیا چەندین یانا ل سەر ئاستێ ئورۆپا ل خولێن ھولندی و ئیسپانی و تورکی، رۆژنامەیێن ئیرانی ئاشکراکرینە ھەردو یانێن فەنەربخچە یا تورکی و ڤیاریال یا ئیسپانی ھەڤرکیەکا دژوار ل گەل ئێک دکەن بۆ دەستڤە ئینانا گولچیێ یانا پیروزی.
عەلی رزا یێ ٢٥ سالی کوردێ رۆژھەلاتا کوردستانێ یە نوکە دھێتە ھژمارتن ئێک ژ بەرنیاسترین گولچیا ل سەر ئاستێ ئاسیا و وەلاتێ ئیرانی کو ئەوان رۆژناما دیارکریە نوونەرێن ھەردو یانێن ڤیاریال و فەنەربخچیە ل ماوێ بوری سەرەدانا وەلاتێ ئیرانی کربوو ژ بوو دانوستاندان ل گەل یانا پیروزی بۆ ڤەگوھاستنا گولچیێ کورد عەلی رزا.
رۆژنامەیێن تورکی ژ لایێ خوڤە ل باژێرێ ئیستەنبول ئاشکراکرینە نوونەرێ یانا فەنەربخچە نوکە ل تەھرانێ یە بۆ سپرایزا وەرزێ بھێت ئەوژی گولچیێ خودان شیان عەلی رزا کو دێ ھێتە چاڤەرێکرن بیتە ئێک ژ باشترین ڤەگوھاستنا بۆ وەرزێ بھێت ھەر چەندە یانا ئیرانی داخوازیا کوژمەکێ مەزن ژ یانا تورکی کریە ئەوژی دو ملیون دولار بۆ فروتنا ئەوی لێ دەنگوباس وەرزش ل ئیران و تورکیا وەسا داینە دیارکرن ھەردو یانە ھەتا رادەیەکێ مەزن گەھشتینە رێککەفتنێ کو کوژمێ یانا فەرنەربخچە پێشکێشی یانا یایتەختێ تەھرانی کرێ رازیبوویە و گولچیێ یانێ ژی رازەمەدیا خوە دیارکریە یاریێ دخولا سوپر لیگا تورکیا دا بکەت.
