یانەکا چینی دی ماریا نەڤێت و یاریزانەکێ دی یێ ئەرژەنتیی ھەلبژارت بزانە کیە
ئەڤرۆ نیوز،ھەژار مەعروف:
ل چەند رۆژێن بوری ھژمارەکا مەزن یا دەزگەھێن راگەھاند ل ئورۆپا ئەرژەنتین دیارکربوو یانا شنگھای یا چینی ھەڤبەستەکا مەزن پێشکێشی یاریزانێ ھەلبژارتیێ ئەرژەنتین و یانا پاریس سانجێرمان دی ماریا کریە بۆ ئیمزاکرنا ھەڤبەستا ئەوی ل ڤەگوھاستنێن زڤستانێ .
ئێک ژ ئەندامێن دەستەکا گشتی ل یانا شنگھای بۆ مالپەرێ سینا دیارکریە نوکە یانێن چینی خودان پارەکێ مەزن د شێن ھەر یاریزانەکێ ل جیھانێ بکرن لێ ئینانا یاریزانان ژێ ل سەر بنیاتەکێ دروست و دیڤچوونا ئاستێ ئەوی دھێتەکرن کو مفایەکێ باش ژێ وەربگرن چەند مالپەران دیارکریە یانا ئەوان نێزیکی ئیمزاکرنا ھەڤبەستا یاریزانێ پاریس سانجێرمان دی ماریا بووینە لێ چو راستی بۆ ئەوی دەنگوباسی نینە ژبەرکو ئەوان جھێ یاریزانەکێ پیشەکار مایە ئەوژێ یێ دیڤچوونا چەند یاریزانا دکەن و ھەتا رادەکێ مەزن ئەو گەھشتی نە رێککەفتنێ ل گەل یاریزانێ یانا بوکاجونیور کارلوس تڤێز کو ل وەرزێ ئەڤ سالە ئاستەکێ بلند پێشکێشکریە ل گەل یانا خوە دخولا ئەرژەنتینێ دا.
ژێدەرێن دەنگوباسی ل فەرەنسا وەسا داینە دیارکرن ھەڤرکی دناڤبەرا ھەردو یاریزانێن ئەرژەنتینی دا ھەبوو تڤێز و دی ماریا لێ ل دووماھیێ یانا چینی ب کوژمێ ٤٠ ملیون یورۆیا گەھشتە رێککەفتنێ ل گەل تڤێز و ئەگەری نە ئیمزاکرنا ھەڤبەستا دی ماریا بۆ ئاستێ وی یێ ئەڤ سالە ڤەگەریت کو ژ سەرجەمێ ١٥ یاریان بتنێ گولەک تومارکریە بەروڤاژی تڤێز ئێک ژ گولکەرێن تیما خوە یە .
