یانەکا کوردی ئەڤرۆ دێ شێت بەرنیاسترین یانا تورکی ژ قارەمانیێ دوربێخیت
ئەڤرۆ نیوز:
نوونەرا باکورێ کوردستانێ د کاسا تورکیا یا تەپا پێ دا بریارە ئەڤرۆ یاریا خوە یا چونێ ھەمبەری بەرنیاسترین و مەزنترین یانا تورکی بکەت دەمێ د بیتە مێڤانا یانا فەرنەبخجە ل یاریگەھا وێ ل باژێرێ ئیستەنبولێ ژ چارچوڤێ یاریێن قوناغا ھەشتێ ژ کاسا تورکیا.
یانا ئامەد سپور یا باکورێ کوردستانێ بۆ جارا ئێکێ یە دیروکا خوە دا گەھیتە ڤێ قوناغێ دێ ھەمی بزاڤا کەت بۆ تومارکرنا حنێرەکی و پشتی ل قوناغا ١٦ شیای یانەکا ناڤدار یا تورکی دوربێخیت ئەوژی یانا بورسا سپور ئەڤ جارە دێ بزاڤێ کەت سەرکێشا خولا سوپر لیگا تورکیا دوربێخیت ئەوژی یانا فەنەربخجە کو د یاریا ئێکێ دا ھەردو یانا ل یاریگەھا ئامەد ب سێ گولان وەکھەڤ بوون ھەر ئەنجامەکێ وەکھەڤی دڤێ یاریێ دا کێمتر ژ سێ گولان د بەرژوەندیا یانا ئامەد دا نینە ھەر چەندە ئەرکێ وێ یێ ب سانەھی نابیت لێ بۆ یانەکا وەکو ئامەد سپور یا ب زحمەت نابیت ژبەرکو ل وەرزێ بوری ژی د کاسا تورکیا دا شیا بوو سەرکەفتنێ ل سەر یانا گەلاتەسەرای توماربکەت ب دو گولان ل یاریگەھا وێ.
