یانەکا کوردی سوباھی دێ ھەڤرکیا ئێکەتیا تەپا پێ و بەرنیاسترین یانەکا تورکی کەت
ئەڤرۆ نیوز، ھەژار مەعروف:
چاڤەرێ دھێتەکرن سوباھی تیما ئامەد سپور نوونەرا یانێن باکورێ کوردستانێ د کوپا تورکیا دا یاریا خوە یا قوناغا ھەشتێ ھەمبەری یانا فەنەربخجە بیت کو ئەڤ یانە دھێتە ھژمارتن ئێک ژ بەرنیاسترین یانا ل سەر ئاستێ وەلاتێ تورکیا و ئورۆپا ژی ناڤێ خوە ھەیە .
ئەڤ یاریا بریارە ل یاریگەھا ئامەد بھێتەکرن ل دەمژمێر دو پشتی نیڤرۆ ل دیڤ دەمێ کوردستانێ کو ئێکەتیا تەپا پێ یا تورکی بۆ ڤێ یاریێ جەماوەر و حەژێکەرێن تەپا پێ ل باژێرێ ئامەد سزادایی نە ژ بوو دیتنا ڤێ یاریێ ھەردیسان ئێک ژ باشترین یاریکەرێ تیما ئامەد ژی دەنیز ناکی ھاتیە سزادان کو رۆژنامەیێن باژێرێ ئامەد وەسا دیارکر بوون ئەو بریارا دژی یانا ئامەد ھاتیە دانێ نە یا دروست بوو دڤیا ئێکەتیا تەپا پێ پێداچوونەک د بریارا خو دا کربا بەری یانا ئامەد سزادابا.
ھەژی گوتنێ یە یانا ئامەد بریارە یاریا خوە یا دوێ ل ١-٣-٢٠١٦ ل یاریگەھا فەنەربخجە بکەت و سەرکەفتنی ھەردو یاریان دێ دەربازی قوناغا پێش دووماھیا کاسا تورکیا بیت.
