یورگن كلوب: كرنا یاریێ به‌رامبه‌ر ڤێ یانێ یا ب سانه‌هى نینه
ئه‌ڤرۆ نیوز:
چاڤه‌رێ دهێته‌كرن ئه‌ڤرۆ ئێڤارێ ل ده‌مژمێر پێنچ پشتى ئێڤارى یانا لیڤه‌رپول سه‌ركێشانا خولا ئنگلته‌را ل یاریگه‌ها خوه ئه‌نفیلد مێڤانداریا یانا لیسته‌رسیتى خودانا رێزا سێ د لیستا خولێ دا بكه‌ت ژ چارچوڤێ یاریێن گه‌را هه‌شتێ كو ئه‌ڤ یارى یه دهێته هژمارتن ئێك ژ ب هێزترین یاریێن ڤێ حه‌فتیێ دخولا ئنگلته‌را دا .
راهێنه‌رێ ئه‌لمانى و یانا لیڤه‌رپول یورگن كلوب بۆ ده‌زگه‌هێن راگه‌هاندنێ دیاركر كرنا یاریێ به‌رامبه‌ر یانه‌كا وه‌كو لیسته‌ر سیتى بوو ئه‌وان یا ب زه‌حمه‌ته ژبه‌ركو ئه‌و دێ یاریێ به‌رامبه‌ر ئێك ژ ب هێزترین یانه كه‌ت كو ل وه‌رزێ ئه‌ڤ ساله پێكهاتیه‌كێ گه‌له‌ك باش ب ئاست بلند هه‌یه و ئاستێ وێ یانێ یێ هونه‌رى ل وه‌رزێ ئه‌ڤ ساله گه‌له‌ك یێ پێشكه‌فتى .
زێده‌تر كلوب دیاركر لیسته‌ر سیتى نوكه ئێك ژ شه‌ش یانێن مه‌زنه ل سه‌ر ئاستێ ئنگلته‌را و ئه‌و وه‌سا دبینت لیسته‌ر سیتى ل وه‌رزێ ئه‌ڤ ساله دێ هه‌ڤركه‌كا ب هێز بیت بوو ده‌ربازبوونێ بۆ قاره‌مانیا ئورۆپا .
