یوڤانتوس بهایێ فروتنا یاریزانێ خوه بوو مانچێسته‌ر یونایتد ئاشكراكر
ئه‌ڤرۆ نیوز:
یانا یوڤانتوس یا ئیتالى بهایێ فروتنا هێرشبه‌رێ خوه یێ كرواتى ماریو ماندزوكیچ ده‌ست نیشانكر ئه‌وێ چاڤه‌رێ دهێته‌كرن ل ڤه‌گوهاستنێن زڤستانا بهێت پێكهاتیێ وێ یانێ ب جه بهێلت.
مالپه‌رێ كاتشیو مێركاتو یێ ئیتالى ئاشكراكریه یانا یوڤانتوس بهایێ فروتنا ئه‌وى یاریزانى دیاركریه و هه‌ر یانه‌كا بخوازیت هه‌ڤبه‌ستێ ل گه‌ل ئه‌وى یاریزانى ئیمزا بكه‌ت ل سه‌ر ئه‌وان پێدڤى یه 10 ملیون یورۆیا پێشكێشى یانێ بكه‌ت.
ژلایه‌كێ دیڤه رۆژنامه‌یێن نێزیكى یانا مانچێسته‌ر یونایتد دیاركرینه ماندزوكیچ ئێك ژ به‌ربژارێن سه‌ره‌كى یه ل ڤه‌گوهاستنێن بهێت په‌یوه‌ندى ب وێ یانێ بكه‌ت و به‌رپرسێن وێ یانێ هه‌تا راده‌یه‌كێ مه‌زن ل گه‌ل وى یاریزانى گه‌هشتى نه رێككه‌فتنێ .
