یوڤانتوس و میلان ھەڤرکا ئێک دکەن بۆ یاریکەرەکێ ھێلا ناڤینا ریال مەدرید
ئەڤرۆ نیوز:
یانا یوڤانتوس ھزر ل ئینانا چەند یاریکەرێن خودان شیان کری یە ل ڤەگوھاستنێن ھاڤینا بھێت بۆ پاراستنا ناسناڤێ خولا کاتشیو بۆ جارا شەشێ ل دیڤ ئێک و ھەڤرکیێ ل سەر ناسناڤێ قارەمانیا چامپیونس لیگ .
مالپەرێ سپورت توتو یێ ئیتالی ل دیڤ گوتنا رێڤەبەرێ وەرزشی یێ یانا یوڤانتوس جوسیبی ماروتا دیارکری یە یانا یوڤانتوس دەست ب دانوستاندان کری یە ل گەل یانا ریال مەدرید بۆ ب دەستڤە ئینانا یاریکەرێ کرواتی یێ ھێلا ناڤین ماسیو کوڤاسیتش.
ژلایەکێ دیڤە ژێدەرێن دەنگوباسی ل مەدرید وەسا دیارکری نە یانا میلان ژی حەزا ستێرا ھێلا ناڤین یا ریال مەدرید ماسیو کوڤاسیتش ھەیە کو رۆژا چارشەمبیا بوری چێگرێ سەروک یانا ئەی سی میلان ئەدریانو گالیانی ل مەدرید بۆ ب مەرەما دەست ب دانوستاندان ل گەل یانا مەلەکی بۆ دەستڤە ئینانا یاریکەرێ کرواتی کوڤاسیتش .
