یوڤانتوس ١٠ یاریزان بوو وەرزێ بھێت کرینە ئارمانجا خوە
ئەڤرۆ نیوز:
پشتی یانا یوڤانتوس ل ماوێ چەند رۆژێن بوری نەشیای دەربازی قوناغا پێش دووماھیا قارەمانیا چامپیونیز لیگ ئورۆپا بیت و توشی خوسارەتیەکا نە چاڤەرێکری بووی ل سەر دەستێ یانا ئەیاکس ئەمستردام ل ناڤ ئەرد و جەماوەرێ خوە دا و نەشیای بەردەوامی ب دەتە کاروانێ خوە بۆ ب جە ئینانا خەونا جەماوەرێ خوە کو ٢٣ سالانە چاڤەرێ برنا وی ناسناڤی نە جارەکا دی ئەوی ناسناڤی ڤەگەرینە تورینو کو ل چەندین سالێن بوری گەلەک نێزیکی وی قارەمانیێ بووینە لێ نەشیاینە ب دەستخوڤە توماربکەن و یانا یوڤانتوس دووماھیی جار ئەو ناسناڤ ب دەستخوڤە بری ل قارەمانیا سالا ١٩٩٥-١٩٩٦ بوو.
پشتی دەرکەفتنا یانا یوڤانتوس ل حەفتیا بوری ژ قارەمانیا چامپیونیز لیگ بەرپرسێن وێ یانێ دەست ب پلانەکا نوو کریە بوو ڤەگوھاستنا ھژمارەکا یاریزانێن ستێر و بەرنیاس ل سەر ئاستێ جیھانێ بوو ب جە ئینانا ئارمانجا سەرەکی یا کارگێریا یانێ ئەوا ٢٣ سالان حەونا ب برنا وێ قارەمانیێ ڤە دبن چەند رۆژنامەیێن نێزیکی یوڤانتوس ئاشکراکرینە کارگێریا یانا یوڤانتوس دەست ب لڤینا کریە بوو ئیمزاکرنا ھژمارەکا چەند ستێرێن بەرنیاس ل سەر ئاستێ یانێن مەزن ل ئورۆپا کو ١٠ یاریزان کرینە ئارمانجێن خوە بوو وەرزێ بھێت ئەو یاریزان کرینە ئارمانجا خوە ماورو ئیکاردو ژ ئەنتر میلان و ستێرا لیڤەرپول محەمەد سەلاح و یاریزانێ گەنچ روما نیکولو زانیولو ھەردیسان یاریزانێ ئەیاکس ئەمستردام دی لێگیت و ستێرا گەنچ یا پورتوگالی و یانا بەنفیکا جواو فلیکیس و بەرەڤانێ فرەنسی و یانا بەرشەلۆنا ساموێل ئومتێتی ھەردیسان سێ یاریزانێن ریال مەدرید ژی ئارمانجا یوڤانتوس ل سەر داخوازیا رونالدوی ھەرە چەندە ئێک ژ ئەوان ھەتا رادەیەکی دەلیڤەیا مەزن ھەیە یوڤانتوس ب دەستخوڤە بینن لێ بتنێ یاریزانەک دبیت ب سانەھی بیت ب دەستخوڤە بینن ژبەرکو دێ یا ب زەحمەت بیت ریال مەدرید دەستا ژ سێ ژ ئەوان بەرنادەن بتنێ کو ئەو یاریزان ژی ھەر ئێک ژ مارسێلو، ئیسکو ،ڤاران و خامێس رودرێگیز .
ھەردیسان ئەوان رۆژناما ئاشکراکریە ژی دبیت ب رێژەیا ھەرە مەزن یوڤانتوس بوو مفا وەرگرتن ژ کوژمەکێ مەزنتر یێ پارەی دو ستێرێن خوە بفروشت و ئەوژی پیانیچ و دیبالا یان ژی گوھوری ل گەل یانا ریال مەدرید بکەت