یێ موچەیێ وی ئێک ملیون یێ پێشکەڤتی ل سەر ٤٥٠ ملیونان ل عیراقێ
ئەڤرۆ،ھەژار مەعروف:
ل وەرزێ ئەڤ سالە دەستڤە ئینانا ناسناڤێ گولکەرێ خولا عیراقێ ھەڤرکیەکا دژوار دناڤبەرا ھەشت ھەتا دەە یاریزانان یا دھێتەکرن کو پشتی بورینا ٣٠ حەفتیان ژ ھەڤرکیێن خولێ جوداھی دناڤبەرا گولکەرێ رێزا ئێکێ و دەھێ بتنێ چار گول ئەڤ چەندە ژی دبیت د یاریەکێ دا خودانێ رێزا دەھی بشێت خوە ب گەھینتە سەرێ لیستا گولکەرێن خولێ و ل وەرزێ ئەڤ سالە دو حنێرێن مەزن رویداینە دناڤا خولا عیراقێ دا ئەوژی دو یاریزان کو موچەیێ ئەوان ئێک ملیون دینارە ل سەرێ لیستا گولکەرێن خولێ دھێن و یێ ھەڤرکیا خودانێن ھەڤبەستێن ٤٠٠ و ٤٥٠ ملیونی دکەن.
منار تەھا ئەوێ بەری سێ وەرزان یاری ل یانا گارە کری دخولا پلا ئێک یا کوردستانێ دا و نوکە یاری ل یانا کارەبا سیناعات کەت ل گەل یاریزان ئەمجەد رازی یاریزانێ یانا جەویە ل سەرێ لیستا گولکەرێن عیراقێ دھێت ب ١٧ گولان و ھەر ئێک ژ یاریزانان ویسام سەعدون ژ یانا نەفت میسان و موھند عەلی میمی ژ شورتە ب ١٦ گولان رێزا دوێ دھێن و علا عەباس ژ یانا نەفت وەست ب ١٥ گولان ل رێزا سێ دھێت و سێ یاریزان ل رێزا چارێ دھێت ب ١٤ گولان ئەوژی ھەر ئێک ژ فەرحان شەکور ژ یانا نەجەف و محەمەد داود ژ نەفت و عەلا عەبدولزھرە ژ شورتە و ل رێزا پێنجێ دو یاریزان ئەوژی حەمادی ئەحمەد ژ جەویە و بابا کونێ ژ کارەبا ب ١٣ گولان.
ھەژی گوتنێ یە ھەر ئێک ژ یاریزانان منار تەھا ژ سیناعات کارەبا ئەوێ ١٧ گول ھەین و ویسام سەعدون ژ نەفت میسان کو ١٦ گول وەرزێ ئەڤ سالە تومارکرینە موچەیێ ئەڤان ھەردو یاریزانان نێزیکی ئێم ملیون ھەتا ١٠٠٠ دولارێن ئەمریکی یە بێ ھەڤبەست بتنێ ئەو موچە ھەیە بەرامبەر ئەو یاریزانێن دی خودان ھەڤبەستێن بلند ئەوژی دناڤبەرا ٢٥٠ ملیون ھەتا ٤٥٠ ملیون دینار عیراقی کو موچەیێ ئەوان ھەیڤانە د گەھیتە ٢٠ ھەتا ٤٠ ملیون دیناران .