10 هەلبەستێن د. ولید الصراف
هەلبەست: ولید الصراف
وەرگێڕان: حەسەنێ سلێڤانەیی
هەلبەستڤان
گەش بوو و کز بوو بێهنا وێ
مینا برویسیەکا خوینا من گەشکری و ڤەمری
ئەرێ دناڤ کیژ پیتان و ل کیژ هەلبەستا دێ بێژم خوە ڤەشارت؟
خەندقی
ئەز خەندقیم و یێ دخەندقت ئەو دەم نینە
دەمێ رویێ نەمانێ دگەل پێلێ دیاردبت
و دەستەک بوو درێژ دبت ژنوو پرسیار بکت
کا شەیتانی ئەو دەستە بۆ درێژکریە یان ملیاکەتەکی.
مرن و نڤستن
مرن ونڤستن وەک ئێکن
هۆ خەون ئەگەر تو سەرەدانا نڤستنێ نەکی
ئەڤە ژ هزارێ ڤە تو یێ سەرەدانان دکی
پا دێ کەنگی ئەڤ قەومە ژ خەوێ رابن؟
ژنا گول
جارەکێ تە گولاڤ رشت سەر کراسێ خوە ودەرکەتی
ئەزل دویڤ تە دەرکەتم و من پرسیار ژ هەمی چاڤان دکر
– ئەرێ ئێکێ ژوە گولەک دیتی یی پیاسە دکر؟
– گولەکێ پیاسە دکر؟
و هزرێن خراب ژ ئەقلێ من گرتن.
ڤەخوەندن
ئەرێ پەیامنێرێ خودێ ئەڤینێ
ژچاڤێ تە یێ خەوێ گرتی
هاتیە رێ یا راست نیشا من بدەت و گوتنا خودێ بێژە
دەیندارەکا ددلی دا
بێ دین مایە
من باوەری ب بەژنێ ئینا
من باوەری ب ئالەکێ ئینا
و ب رەجڤینا بارانان
من باوەری ب بحەشتێ ئینا
گەرم وەک ئاگری.
دورپێج
کۆما لێڤێن وێ خوە د من ئالاند و
ئەز بێ چەک بووم ژبلی هەلبەستێ
دیوارێن بیرهاتنێن وێ دگاڤەکێ دا ئەز زیندان کرم
ژی یێ من دبەرمن ڕا بۆری وئەز نەدیتم
ژمن بۆری و ل ئالییەکێ دوور یێ ل من دگەڕت.
باهۆز
باهۆزەک ژ تاریتی یا کلێ وێ دزێت و
دلی ژ رەهێ دهلکێشت و ئەو ل سەر کورسی یا خوە یە، هاژخوە نینە بێدەنگ جگارەیەکێ د بەردتێ
نزانت چ چێبوویە و چ دێ چێبت
وەک ئەوێ دچت وپێ ل مێریەکی دکت ونزانت.
ئاوری یەک
چما تە چاڤێن خوە بەرەف ئەسمانی بلندکرن؟
چما تە عەور بریندارکرن؟
مینا زارۆکەکێ ب هێتە رەزیل کرن بەردا گری
چما تە بەرێخوەدا ستێرێ دەمێ گەش بووی؟
و های ژخوە هەبوو و رەڤی
و رێ نیشا کاروانەکێ بلەز ددا
ئینا بەرزە بوو و ئەو ژی دگەل بەرزەبوو.
خەون
– خەونا تە چی یە؟
– ئەز هەمی زەلامێن ل سەر ئەردی ب کوژم
ژ دوماهیک زارۆکێ د ڤێگاڤێ دا دزێت هەتا ئادەمی
دا ئەز هەوێ ماچی ب کم و
هەمی عالەم ژ من ببت.
دەم
بەرەف چۆلستانەک ب چەپ و چیر -ژی- مە دهاژۆت
چەند ئەم ل خوە زڤرینە نە وێنەیەکە و نە نیشانەکە
دژوارە دەم، هەر روودانەکێ ژناڤ دبت
مینا بالندەیەکێ درندە هەردو پەنجێن وی با و باران.
******
ژێدەر:
دیوانا وی – الکلمات الاخیرە لمحکوم بالاعدام- ٢٠٢٥ بغداد – الاتحاد العام للادباء والکتاب فی العراق )
