11 هایكۆ
ئازاد عزەت
١
بەلگێن زەر نەمان،
با هات و ل گەل خۆ برن،
دار بێ سیبەر مان.
٢
ژ بەرزییێ هات،
خەلک دبوونە هەلمێژ،
بێهنا ئاخێ.
٣
شەوق بوو نە ڕۆژ بوو،
بێدەنگ و ئارام بەخش بوو،
ڕۆناهییا هەیڤێ.
٤
دلۆپێن ئاڤێ،
ئەردی ب ڤیان هەمبێزدکەن،
گژۆگیا سەرهەلدەن.
٥
ژ زەلالبوونێ هات،
دار خەملاند ب دەنگێ خۆ،
کوکوختییا جوان.
٦
شەڤا کرومت،
چیا خەملاند ب ڕۆناهییا خۆ،
گەلاڤێژا گەش.
٧
بێ نان زڤڕی ڤە،
ب توند نایلۆن هەمبێزکر،
لەرزینا هەژار.
٨
بێ دەستووری هات،
دناڤ باژێڕێ دلێ من دا،
ناڤێ تە لێ نویسیا.
٩
ژەنینا هەوایە،
دگەل بەلگێن زەرێن داران،
سەمایا دوماهی.
١٠
چرایەک ڤەمریا،
هەمی جهـێن ژۆر بوونە ئێک،
دوماهییا ژیانێ.
11
گەرمەکا تووند،
هەر سیبەرەك دبیتە ئامانج،
چلێ هاڤینێ.
