200 مێگاواتێن كاره‌بێ ل دهۆكێ زێده دبن
ئه‌ڤرۆ نيوز، زه‌رى نه‌وزاد:
پشتى دو یه‌كه‌یێن به‌رهه‌م ئینانا كاره‌بێ ل ویستگه‌ها كاره‌با دهۆكێ یا غازێ ل كواشێ بۆ ماوێ پتر ژ سێ حه‌فتیان ژبه‌ر قه‌یرانا سۆته‌مه‌نیێ ژ كاركه‌فتین، نوكه جاره‌كادى ده‌ست ب به‌رهه‌مئینانا كاره‌بێ كرن.
ئومێد محه‌مه‌د رێڤه‌به‌رێ گشتى یێ كۆنترۆلا كاره‌با هه‌رێمێ بۆ ئه‌ڤرۆ دیاركر ” ماوێ دو رۆژانه جاره‌كادى دو یه‌كه‌یێن به‌رهه‌مئینانا كاره‌بێ ل ویستگه‌ها كاره‌با دهۆكێ یا غازى ده‌ست ب به‌رهه‌مئینانێ كرینه‌ڤه كو هه‌ر ئێك ژ وان 100 مێگاواتا كاره‌بێ به‌رهه‌م دئینیت و ب ڤێ چه‌ندێ دێ ده‌مژمێرێن دابینكرنا كاره‌با نیشتمانى زێده بن كو نوكه ئه‌م 17 ده‌مژمێران كاره‌بێ دابین دكه‌ین”
ئومێد محه‌مه‌د دیاركر ژى وه‌زاره‌تا سامانێن سروشتى رۆژانه 800 هزار لترێن گازێ بۆ هه‌ر ئێك ژ وان یه‌كه‌یێن به‌رهه‌مئینانا كاره‌بێ ل دهۆكێ دابین دكه‌ت.
