228 كه‌س دوهى ل سوريا هاتينه كوشتن
ئه‌ڤرۆ نيوز، نيوار محه‌مه‌د سه‌ليم:
ره‌وانگه‌ها مافێن مرۆڤى ل سوريا دياركر كو دوهى ل سوريا 228 كه‌س هاتينه كوشتن ژ وان ژى 15 يێن يه‌كينه‌يێن پاراستنا گه‌ل بووينه و 43 ژى يێن ده‌وله‌تا ئيسلامى ب ناڤێ داعش.
شه‌ر و پێكدادان ل كولانێن كۆبانێ يا به‌رده‌وامه و سه‌ره‌راى هێرشێن ئه‌سمانى يێن هێزێن هه‌ڤپه‌يمانان بۆ سه‌ر كۆبانێ و ده‌وروبه‌رێن وێ، به‌لێ ده‌وله‌تا ئيسلامى يا به‌رده‌وامه ل سه‌ر پێشڤه‌چوونێن خوه و ب چه‌كێ گران ل چه‌ند جهان داعش پێشره‌وى كريه و شيايه ب چه‌كێ گران وه‌كو تانك و زريپۆشان گه‌هشتينه ناڤ باژێرى.
ئه‌ڤه ژ 16\9 و هه‌تا نوكه كۆبانێ د ئابلۆقه‌دانه‌كا به‌رده‌وام دايه و ب ره‌نگه‌كێ به‌رده‌وام داعش هێرشێ دكه‌ته سه‌ر وان، سه‌ره‌راى هێرشێن هه‌ڤپه‌يمانا بۆ سه‌ر داعش به‌لێ هێشتا يه‌كينه‌يێن پاراستنا گه‌ل نه‌شياينه وێ ئابلۆقه‌دانێ بشكێنن.
