29 كه‌سان د پاسه‌كێ دا گيانێ خوه ژ ده‌ست دا
ئه‌ڤرۆ نيوز:
ژ ئه‌گه‌رێ ده‌ركه‌فتنا پاسه‌كا پرى وه‌لاتى ژ جادێ ل نيپال 29 كه‌سان گيانێ خوه ژ ده‌ست دا و ب ده‌هان كه‌ش ژى بريندار بوون.
ئه‌ڤ ولاتيه هه‌موو ب هيڤى بوون بچن خێزانێن خوه ببينن ب هه‌لكه‌فتا جه‌ژنا داشاين يا هندى.
پۆليسان ژى راگه‌هاند كو ئه‌ڤێ پاسێ گه‌له‌ك ژ رێژا خوه زێده‌تر وه‌لاتى هه‌لگرتبوون كو دبوونه نێزيكى 100 كه‌سان.
به‌رپرسه‌كێ وه‌لاتى ژى بۆ ئاژانسا فرانس پرێس دا زانين كو ژ به‌ر هه‌بوونا بارانێن زێده نه‌شيان وه‌كو پێدڤى ب كارێ رزگاركرنا وه‌لاتيان رابن.
هه‌ر چه‌نده لايه‌نێن به‌رپرس دڤيا بگه‌هنه ناڤێن وه‌لاتيێن د ناڤ پاسێ دا، به‌لێ ل رۆژانێن هه‌لكه‌فت شۆفێرێن ڤان پاسان ناڤێن وه‌لاتيێن سوار دبن نا نڤيسن.
ئه‌ڤ پاسه ب ژڤان بوو ژ جوگبودا بچيته داهانگادى ل ده‌ڤه‌را دوتى كو 800 كم ژ رۆژئاڤايێ پايته‌ختى كانماندو يا دووربوو ده‌ما ئه‌ڤ روودانه دروست بووى.
ژێده‌رێن ده‌نگوباسان دايه زانين ژ كو ئه‌ڤ پاسه ده‌ما ژ جادێ ده‌ركه‌فتى ب كوراتيا 200 مه‌تران كه‌فتيه د نهاله‌كێ دا.
ل كانينا ئێكێ يا سالا 2013 ژى هه‌مان رێژا كه‌سان گيانێ خوه ژ ده‌ست دابوو، ده‌ما ل سه‌ر وێ جادێ و ل وى جهى شۆفێره‌كى ته‌ركيز ل سه‌ر ترۆمبێلێ نه‌مايى.
