40 دەلیڤێن کاری ل ڤێ پارێزگەھێ ھاتنە راگەھاندن
ئەڤرۆ نیوز، نەوزاد ھلۆری:
کومپانیەکێ ھەڤکاری ل گەل دەستەیا گەشتوگۆزارێ یا ھەرێما کوردستانێ ھژمارەکا دەلیڤێن کاری راگەھاندن، دەرچوویێن زانکۆ و پەیمانگەھان دشێن ب زووترین دەم پەیوەندیێ پێ بکەن.
نادر روستی، ئاخفتنکەرێ دەستەیا گەشتوگۆزارا ھەرێما کوردستنانێ بۆ ئەڤرۆ نیوز دیار کر کو کومپانیا میلەت ل ھەولێرێ ب ھەڤکاری ل گەل دەستەیا گەشتوگۆزارێ یا ھەرێما کوردستانێ، پتری ٤٠ دەلیڤێن کاری بۆ دەرچوویێن زانکۆ و پەیمانگەھان رادگەھینیت، ھەر کەسێ حەزا کاری ھەبیت دشێت ب زورترین دەم پەیوەندیێ ب وان بکەت ب مەرەما دامەزراندنێ و ب دەستڤە ئینانا کاری و گۆت: “ئەڤ دەلیڤێن کاری ھەموو دێ بۆ کارێ ڤەگوھاستنێ بن ل سنوورێ پارێزگەھا ھەولێرێ ب تایبەتی د ناڤ باژێرێ ھەولێرێ دا، ھەر کەسێ حەزا شۆفێریێ ھەبیت دشێت خوە تومار بکەت ئەڤجا چ کچ بیت یان ژی کور”.
ناڤھاتی ل دۆر مەرجێن کاری خویا کر کو دڤێت دەرچوویێ زانکۆ و پەیمانگەھان بیت و دەلیڤە زێدەتر دێ بۆ دەرچوویێن گەشتوگۆزاری بیت، ژیێ وی دناڤبەرا ٢٠ بۆ ٣٠ سالیێ بیت، مولەتا گشتی ھەبیت، شارەزای د ناڤ ھەولێرێ دا ھەبیت، دیسان خەلکێ ھەولێرێ بیت و شیانێن کارکرنێ ل ھەموو شێفتێن شەڤ و رۆژا ھەبیت و ھەرکەسێ حەزا کاری ھەبیت بلا پەیوەندیێ ب کومپانیێ بکەت لسەر ھژمارا ٠٧٥٠٥٤٥٢٢٧ بکەت یان ژی ئیمێلێ administrator@mellatco.com “.
